為了實現媽媽遺願，我成為了女校男生: 十圍酒席

媽咪諗左陣之後「咁啦，我地幫佢準備埋飯盒啦」
 
雪晴聽到之後都有點驚訝
 
「妳講真架媽咪?真係叫家姐日日煮俾佢呀?」
 
「媽咪煮啦，妳地兩個呢，就好好地對人地」
 
「放心啦媽咪~我唔會同家姐爭男朋友喎」
 




「雪凝妳真係同人拍拖呀?其實我同爸爸都冇所謂喎，後生女想拍拖好正常」
 
我繼續耍手擰頭
 
「家姐妳怕咩羞丫，妳都由小學開始鍾意人囉」
 
「喂!!!我毒啞妳架!」
 
「女呀!」
 




「係!」
 
「拍拖冇問題，不過呢……唔好影響讀書同埋……」
 
「唔好著住校服大肚就得啦家姐」
 
「我…我知啦」
 
「如果真係拍拖就帶佢返黎食飯啦」
 




「知道……」
 
「要廿圍夠唔夠呀媽咪?」
 
「十圍好啦」
 
「好啦!夠啦!」