為了實現媽媽遺願，我成為了女校男生: 我地好襯?

「係呢阿風，你以前邊間學校架」小息時我同ivana同雪凝三個人係小賣部食野
 
「Jessie冇講妳知咩?」
 
「佢冇呀，妳知?」
 
「我…我冇問到呀」
 
「我一開始入左間好差嘅中學，之後轉左間普通中學，我果班由0分至30分都有，有乖仔、有黑社會」
 




「嘩!你地咪好打得?」
 
「打唔打得就唔知，但我以前係長期著軍靴返學」
 
「點解呀?」
 
「打架時都方便D嘛」
 
「你打架?」
 




「經常架啦」
 
「你係到做乖仔慣唔慣呀?」
 
「冇話慣唔慣，不過冇玩得咁痴線咁姐，仲有俾人當怪物咁睇囉」的確，開左學差唔多幾星期，我去親邊到都有人望住我
 
「人地可能望你同Jessie呢?」
 
「做咩望我地呀?」雪凝例牌面紅紅咁問
 




「你地唔覺你地好襯咩?185同160，25CM距離幾好呀」
 
「喂呀!!」
 
「你果陣呢…小學果陣有冇份暗戀Jessie呀?」
 
「唔好問啦喂!!」
 
「我有呀!!如果唔係我果日都唔會咁大膽去錫佢啦」
 
「你…你仲提!!我日日俾個妹笑呀!!」
 
雪凝不停踢我小腿，我都舉高雙手投降
 
「果陣你點錫佢架?」




 
「哦!咁樣囉」
 
我捉實Jessie雙手，然後拉佢去我身邊
 
今次佢塊面仲紅
 
「我…唔幫你整飯盒架!!」
 
「好啦好啦!!!唔玩妳啦!!」