「家姐家姐!!!暖水袋黎啦!!!」
 
聽到雪晴走緊過黎,我地立即坐返好,大家尷尷尬尬咁樣,當然呢一幕盡收雪晴眼底
 
「呀……我係咪阻住妳地兩個?」
 
「冇…冇呀,唔該阿妹」
 
「我洗唔洗落街行返個幾鐘?唔係喎,今日家姐妳period到,姐夫你衝紅燈唔太好喎」
 


「我…我都係走先啦」
 
「你……唔坐多陣?」
 
「我一個男仔係妳地兩姊妹間房唔係太好嘅…咦?呢張相…」
 
「喂!!!唔好睇呀!!!」
 
阿風用佢絕招黎對付我,佢伸直左手按實我個頭,我伸盡腳都踢唔到佢
 


「呢張相妳仲keep住呀?」
 
「呢張呀?家姐張寶貝黎架!」
 
「妳咁重視我呀?」
 
「你…痴線啦你…咩重視呀?夠啦!我要休息啦!!」
 
我將佢地兩個推出房門口再鎖門之後攤返上床,小腿不停拍床舖
 


羞死人啦!!俾佢知道哂啦!!