為了實現媽媽遺願，我成為了女校男生: 夢中相見

「妳家姐一直都係咁怕羞架?」
 
「唔係喎，佢對住你先怕羞」
 
「奇奇怪怪咁」
 
「你地頭先……又想……」雪晴用好奸嘅眼神望住我
 
「冇…冇事」我竟然會俾個F.2妹搞到咁緊張
 




「我係外面睇到哂喎，嘻嘻……你真係想做我姐夫呀?家姐仲係鍾意你喎，你唔係唔知呀?」
 
「細路女唔好咁多事，聽日請妳食野」
 
「好啦，見你咁有誠意，就放過你一馬」
 
原來雪凝一直住我屋企附近，我依稀記得佢同我差唔多日子生日，係咪應該買野俾佢呢?
 
夜晚一個人諗諗下就合上雙眼
 




之後雪凝係我面前出現，不過唔係小學嘅佢，而家中學而家嘅佢
 
我再一次捉實佢雙手，再一次將我地個咀痴埋一齊
 
「嘩!」兩點鐘……我俾呢個夢嚇醒左，仲全身大汗
 唔會呱?係女校搞D咁嘅事出黎……我俾人話冇所謂，如果雪凝俾人話就……