為了實現媽媽遺願，我成為了女校男生: 漫步回家

我地兩個人第一次約會晚餐，就咁樣係嘻嘻哈哈之下完左，阿風堅持要送我返屋企，我講過唔洗，但佢擔心我一個人會危險
 
「其實你唔洗送我架」
 
「好近者，我同妳屋企行十分鐘就到」
 
「如果呢……學校有同學對你有意思你會點呀?」
 
「唔…睇下我自己係咪鍾意佢囉，如果我唔鍾意佢就唔好浪費大家時間，而且我係女校男生，所以…」
 




「我明嘅，始終有緋聞會好麻煩」
 
「係喎，聽Ivana講，妳拒絕過好多名校男仔喎」
 
「邊有喎…兩三個之嘛…」
 
「仲唔係冰山美人?妳要求好高喎」
 
「咁我都唔鍾意佢地…而且…我仲等緊一個人」
 




「妳唔係Les架咩?」
 
我邊講邊打佢手臂「我唔係les架!!我鍾意男仔架!!」
 
「男仔?妳中學時代識好多男仔咩?」
 
「我中學時代識嘅男仔…一隻手都數得出，但我都唔鍾意佢地」
 
「但妳係邊到仲有對象呀?」
 




「唔……我地班d同學囉」
 
「都話妳係les架啦」
 
「唔係呀!!我鍾意果個……係我地小學同學…」
 
「我識架?」
 
「你…你當然識啦…」
 
「邊個呀?妳唔講我慢慢估」
 
「唔講!你自己估啦」
 
已經差唔多行到返屋企「我到啦，你快d返去啦，天氣開始涼」




 
「拜拜」
 
我轉身行幾步後回頭望一望，佢仲企係到
 
「你仲唔走嘅?」
 
「睇埋我嘅bb豬入去嘛」
 
「我係到唔會有問題喎」
 
「咁妳返屋企後send msg俾我知啦」

幾分鐘後，電話收到Msg
 




「返到啦傻仔」
 
望住電話嘅我自己都傻笑左一下，雪凝個傻妹想幫我整錶
 
我不停同自己講，佢有心上人架啦，係我地小學同學，唔好對佢有任何非份之想
 
一聽到雪凝有心上人，個心痛左一痛
 
其實我仲係唔係鍾意呢個小學情人?
 
我返到屋企，沖哂涼之後就開始織頸巾，跟住雪凝教我嘅方法慢慢織
 我家姐唔識織頸巾?咪玩啦……佢織野先最勁呀