為了實現媽媽遺願，我成為了女校男生: 我認了

返到屋企沖完涼之後，開始織頸巾，佢鍾意簡單淨色，所以我揀左深藍色，等佢可以返學用
 
「家姐!!今日拍拖點呀?」
 
「邊係拍拖姐…我叫佢出去買野之嘛」
 
「妳織頸巾俾佢呢?」
 
「妳咪咁八啦!」
 




「係咪者?」
 
「係啦係啦!!我仲係好鍾意佢呀，由小學三年級上課外活動第一日就鍾意左佢啦，滿意未呀衰妹」
 
「咁妳地有冇撐檯腳呀?」
 
「有呀…」
 
「咁佢隻錶妳拎到手未?」
 




「拎到啦」
 
「妳點問佢架?佢又拎出街俾妳?」
 
「我頭先上左佢屋企」
 
「下?佢屋企?逸怡姐姐係到嘛? 」
 
「今日姐姐飛首爾呀」
 




「咁妳地有冇…」
 
「冇呀!!妳做咩咁諗架!!」
 
「一男一女共處一室……」
 
「我地有飲清涼蒸餾水架!!」
 
「得啦，我又點會唔信妳先得架，而家呢，隻錶係到啦，妳搵左人整錶未呀?」
 
「一陣俾ba b睇下，佢應該識人嘅」
 
「妳幫姐夫整好隻錶，佢可能會娶妳喎」
 
「佢話過，邊個幫佢整好呢隻錶，佢就會為對方做一件唔犯法嘅事，包括…」




 
「娶果個人?」
 
「嗯…」
 
「咁家姐妳要好好把握機會啦」