為了實現媽媽遺願，我成為了女校男生: 問題唔大

當ba b放工返黎時，我同雪晴兩個飛出廳好努力咁為佢服務，媽媽見到呢一幕都以為我地兩姊妹病左
 
「Ba b呀，你呢…咪識朋友整錶、古董錶之類嘅…」
 
「識呀，妳有戴古董錶咩?」
 
「冇呀…」
 
「咁咪係囉」
 




「Ba b，家姐冇者，不過你女婿有丫嘛」
 
「喂!」
 
「雪凝妳有男朋友?」
 
我繼續耍手擰頭「冇呀…冇」
 
「Ba b，媽咪冇同你講咩??」
 




「講咩呀?」
 
結果雪晴又將所有野講一次出黎俾ba b聽
 
「哦…好簡單者，俾隻錶我睇下」
 
Ba b拎住阿風隻錶睇一睇「1960年代，蘇聯製北方紅旗艦隊潛艇部隊軍錶，手動上鍊，但係唔防水，呢隻好野黎喎」
 
「咁整唔整到呀ba b?」
 




「妳男朋友唔識搵人整者，妳ba b我一定搵人整到」
 
「佢邊係我男朋友者…」
 
「家姐，妳咪同ba b認左佢囉」
 
「唔理妳地呀!!」我面紅紅咁返房織頸巾
 
「ba b，家姐怕羞喎」
 
「妳估個個女仔都好似妳咁樣架咩?」
 
「隻錶真係整到?關乎家姐終身幸福喎」
 
「冇問題啦」