為了實現媽媽遺願，我成為了女校男生: 另類Christmas ball (2)

俾人Con完一大輪之後，我坐返係雪凝身邊
 
「痛唔痛呀?」雪凝嘅語氣帶點花生味道而且佢仲有d恥笑緊我
 
「唔太嘅，今晚有得俾妳用，放心」我拍一拍佢膊頭
 
「邊個話要用呀!!!」雪凝紅住面拍我手臂
 
終於燒豬到，今次隻燒豬都唔差喎，三十幾人，夠食
 


雪凝好快同D女同學混熟左，而我就不停幫班女仔服務
 
「Jessie呀?阿風係妳學校係咪好受人歡迎架?」
 
「我一向受人歡迎架啦」
 
「我地問Jessie，唔係問你，彈開!」
 
雪凝有d唔滿意咁講「佢呀，去到邊都俾d女仔望住嘅，第一日返學等入課室果時咪俾好多人望實囉，佢好enjoy添」
 


「嘩~~你去左女校到讀，果然唔同哂喎，佢上堂係咪好文靜架?」
 
「佢上堂唔太出聲喎，同小學果時完全唔同」
 
講到呢到，我地班主任終於到左
 
「有客到!!!!!!!!!」
 
「死架你地!?咁話我法?」
 


「Miss Law，我返左黎啦」佢係我一個好尊重嘅老師
 
「終於捨得返黎啦?有冇帶埋老婆仔返黎呀?」
 
「有!!」我拖住雪凝去到Miss Law前
 
「Miss Law妳好，我叫Jessie，係….阿風嘅女朋友…」雪凝面紅紅咁講
 
「妳就係佢暗戀左10年果個女仔啦?」Miss Law笑笑口咁講
 
「係…我係佢小學同學…」
 
「阿風你好好地對人地呀!!」
 
「知道啦」


 
====================================================/
第一次見阿風笑得咁開心，佢舊校d同學同人相處好舒服，我本來以為我比較難打入佢地嘅圈子，點知非常容易就融入左去
 
「Jessie，阿風而家仲有冇用安眠藥瞓覺?」Miss Law係我身邊問
 
「安眠藥?我只係知佢之前食好多止痛藥，佢之前要用安眠藥瞓?」
 
「妳係佢女朋友加小學同學，應該知道佢屋企嘅事，同埋知道點解佢要去妳學校讀書」
 
「我知…佢爸爸走果日，我睇住校長帶佢去醫院」
 
「其實我果陣見到F.3轉黎果時，覺得好奇怪，當時佢對眼係冇神，好似呆左咁樣」
 
「因為佢媽咪剛剛走左?」


 
「一黎啦，二黎佢自己迫得自己好辛苦，佢有冇講以前佢瞓瞓下覺都會起身背書?」
 
「佢有，果陣我覺得佢好慘」
 
「佢係F.5開學果陣同我講，想F.6轉去女校到讀果時，我差D想叫白車送佢去醫院，呢個傻仔真係迫得自己好辛苦」
 
「始終佢8A，係用自己條命搏返黎」
 
「當時佢家姐同佢申請去妳地到之後，我同校長去過拜訪妳地學校，我地都擔心佢會唔會迫得自己太緊，佢而家仲有冇迫自己?」
 
「佢而家…仍然要做到最好，有時我都擔心佢會唔會終有一日會支持唔住」
 
「妳地怕唔怕閒言閒語?佢一去到女校讀就有妳呢個女朋友」
 


我一面尷尬咁R頭
 
「其實佢真係幾瘋狂嘅….佢上兩星期係學校個talent show到差唔多公開承認我同佢拍拖嘅事……雖然平日我同佢已經孖公仔咁出現…不過佢已經公開左點解要去女校讀書嘅事出黎」
 
「佢就係咁瘋狂，F.1-F.2就日日打架入警署，F.3開始轉校突然發力讀書，F.6就轉去女校到讀，呢個傻仔妳永遠估唔到佢下一步會做D咩」
 
「佢契媽…我地個訓導主任話，佢爸爸同佢一樣咁瘋狂，著住校服係我地學校向佢媽媽求婚」
 
「可能佢都會呢」
 
「嗯」
 
「仲有呀Jessie，有樣野妳一定要知道」
 
「係!」


 
「千祈唔好俾佢飲咁多酒，佢一飲太多就會……嘭!」Miss Law做到跌低嘅手勢我睇
 
「放心啦Miss Law，我唔會俾佢飲酒」
 
「有妳呢個女朋友係佢身邊，我就放心得多啦，下次我地再搞活動，妳都帶d同學黎啦」
 
「知道!!」