為了實現媽媽遺願，我成為了女校男生: 依依不捨

「你頭先笑得好開心，已經唔似有煩惱咁喎」我地行返屋企時，雪凝係我身邊講
 
「煩惱係少左好多嘅，因為有妳係我身邊」我都以微笑望返佢
 
突然佢又鼓起左泡腮悶悶不樂咁樣
 
「但係下星期成10日冇得見你喎」
 
「傻妹，可能有奇蹟出現呢」我心入邊暗爽緊，幻想緊佢係飛機上喊個樣
 




「點會有奇蹟喎，機位全部都Full哂啦」雪凝邊講邊想喊咁款
 
由於時間仲早，大約10點半左右，我同雪凝行左去海邊，攬住傾計
 
「做咩咁痴身呀bb豬」
 
「咪話左一同你拍拖就會痴實你，你而家想反口唔要我呀?」
 
「傻妹，我點會唔要妳者」
 




我捧起佢塊面，再錫落佢個咀到，雪凝都攬到我實一實，然後…我雙手開始亂摸
 
「喂…隻手做咩野唔乖呀?」
 
「呀…Sorry」我乖乖地收返埋對手
 
「哼!!!咸濕佬!!」雪凝轉身背住我
 
「bb豬…唔好嬲啦」我又要氹返佢啦唉……
 




從後攬實佢，雪凝望一望周圍冇人之後佢捉住我隻手，放入佢件褸入邊
 
「bb豬妳做咩呀?」
 
「而家冇咩人，先俾你摸下，平時著校服唔俾架」雪凝面紅紅咁講
 
雪凝呢個舉動，令到我身體有反應，因為雪凝個胸真係…大同軟，我都肯定佢feel到有野頂住佢
 
「喂呀!!」佢紅哂面咁望住我
 
「自然反應!!!自然反應!!!」
 
講完，雪凝主動錫過黎，然後係我耳邊講
 
「你真係咁想…咩?」




 
講到咁…我應該點答?
 
「傻妹!!遲d先啦，妳心急咋?」我搵機會笑返佢轉頭
 
「點知你喎」
 
=====================================================/
“嗶嗶嗶嗶””嗶嗶嗶嗶”
 
今日係出發去旅行嘅日子，經過一輪梳洗之後就一家人搭Van仔出發，途中我扁哂咀咁不停同阿風msg，當然呢一幕雪晴都睇到哂
 
「家姐，去10日左右者，唔洗生離死別咁樣呀?」
 
「多事啦妳」




 
「雪凝呀?做咩唔俾我買埋阿風張機票呀，咁妳咪可以叫埋佢黎囉」
 
「咁費事要爸爸你用錢啦，又唔知買唔買到機票，而且又係我地家庭旅行…」
 
「家姐妳睇下妳一顆恨嫁的心丫，如果姐夫好似佢爸爸樣求婚法，家姐妳會點呀?」
 
「阿風爸爸點樣同佢媽媽求婚妳都知?」媽媽一臉疑問
 
「姐夫講嘅，佢兩父子都係我地學校嘅女校男生，當年佢爸爸係畢業典禮後向佢媽媽求婚，大學一畢業就立即結婚」
 
「估唔到阿風爸爸咁大膽喎」
 
「可能姐夫都會呢」
 




「多事啦妳」