為了實現媽媽遺願，我成為了女校男生: 日本之旅（２）

俾家姐玩完，雪凝自己食野睇戲，我食完野就幫家姐收埋野
 
「喂~小風風~~」聽到人咁叫我，再用手指瞭下我條頸，立即成身都起哂雞皮，係家姐公司把聲咁嗲嘅空姐，只有一個，家姐大學同學，samantha姐姐。
雪凝同雪晴見到samantha果時都望到實一實
 
「大個仔啦喎，唔想同我去游水啦?以前住hall你好鍾意架喎，你仲同我班同學係咁望住我著比堅尼喎」的確係事實嘅，不過samantha姐姐咁樣講，雪凝立即睥到我實一實，而林醫生就豎起左隻耳加偷笑，雪晴就係我地後邊食緊花生
 
「係咪去左女校到讀，有左女朋友就唔記得姐姐先」
 
「sa…samantha姐姐，即係咁…妳…唔好瞭我條頸先…好唔好?」


 
「點解呀?你唔係好鍾意架咩?」samantha繼續係到瞭，而雪凝塊面已經開始逐漸變黑，立即變黑亦得，得左
 
「我…我真係好怕呢…妳唔好再….呀….救命呀…」我全身起哂雞皮
 
「你個bb豬女朋友好靚喎，同你好襯，乖乖地唔好蝦人地呀」
 
「知啦Samantha姐姐……唔好再瞭我啦好嘛」
 
「嗯……..飲可樂係咪呀?女朋友飲橙汁係咪呢?」


 
「唔該哂samantha姐姐…」
 
望過雪凝果到，佢已經嬲到出哂煙咁滯，望去後邊，就見到雪晴一個花生樣
 
雪凝一口氣飲哂杯橙汁，再怒睥住我
 
「好鍾意睇比堅尼下話?」
 
「妳冷靜少少先…」


 
「好鍾意俾人瞭條頸下話?」
 
睇黎今次佢會郁手架啦，果然，雪凝扭實我耳仔
 
「爽唔爽呀?下?比堅尼丫啦」
 
雪晴係後邊睇得好開心，邊笑邊影相
 
當我俾雪凝教訓完一輪之後，滿心以為可以休息之際…
 
「喂~~小風風~~~~~」另一把聲又出現
 
我做錯左咩得罪家姐呀?定係佢得罪人多呀?
 


======================================================/
 
阿風的確好受空姐歡迎，頭先佢上機果陣，班空姐話有佢係到就冇咁悶，可能就係咁樣玩佢法
 
係ba b媽咪面前，佢永遠唔會叫我bb豬，所以我唔理佢，繼續扮嬲
 
正當我以前佢會氹我之際，佢竟然拎notes出黎睇
 
「喂…你旅行都帶notes黎做咩呀?」
 
「唔好浪費任何時間丫嘛，都係幾份notes者」
 
「你黎旅行就唔好帶notes黎溫書啦，陪下我得唔得架?」
 
「妳咪睇緊戲囉」


 
「放低notes!!」
 
「好啦好啦」
 
當阿風放低notes之後，我撓實佢挨去佢膊頭到
 
「你呀…成日咁迫自己，要休息下架嘛」
 
「咁而家又冇野做，咪溫下書囉」
 
「咩冇野做呀?(你唔識黎錫下我架咩?)」
 
「(係到?多人喎)」
 


「(唔怕啦，冇 人見到架)」
 
阿風四圍望完一陣，再錫落我個咀到
 
而雪晴就好興奮咁拎起電話拍片影相