為了實現媽媽遺願，我成為了女校男生: 日本之旅（3）

俾家姐成班同事玩完，我終於可以靜落黎休息下，錫完bb豬之後，佢好開心咁睇戲，而我就計劃下自己嘅行程，因為我好鍾意搭鐵路關係，我經常會Plan 一d鐵路遊，原來，雪凝爸爸都係一名鐵膠
 
「你自己一個去呢到呀?」雪凝伸個頭過黎睇我個plan
 
「我之前plan定嘅，不過由大阪去嘅話要好早起身，所以諗緊去唔去」
 
「風仔你計劃去邊呀?」ba b伸個頭過黎問
 
「醫生，我打算去下兔仔島嘅，不過真係好遠下，要搭新幹線去福山，再轉一次車去三原，再坐吳線去忠海站再轉船」
 




「嘩!姐夫你鍾意d咁嘅野呀?」
 
「其實我仲想去吳市嘅，不過要落埋廣島，比較麻煩」
 
「雪凝，一係妳搵兩三日陪風仔啦，我同媽咪可以二人世界」
 
「下?但係醫生，呢個係你地家庭旅行喎，阻住你地唔係太好」
 
「傻啦，有你幫我湊住兩個女不知幾好」
 




「ba b!!我呢?我跟住你定姐夫呀?」
 
「妳呢，就乖乖地跟住家姐，唔好搞事」
 
「知道!!」
 
「風仔你會唔會去火車博物館呀?」
 
「我會呀，我好鍾意鐵路」
 




「咁我地又多一個共通點啦」
 
「呀…我同媽咪都想問你一個問題好耐」
 
「醫生你唔會問我鍾意雪凝D咩呀?」
 
「呢個其一啦，不過我地都知道個女嘅優點缺點架啦」
 
「ba b呀!!!唔好問啦!!!」
 
「我地想知道你平時兩個人果陣點樣叫雪凝」
 
醫生開到口，我應該要答佢嘅，但係雪凝就紅都面哂，仲雙手捉實我咁樣
 
「我叫佢做傻妹嘅……」




 
「仲有呢?阿女應該唔止要求咁少架喎」
 
「呀…我叫佢做…bb豬…我小學果陣咁樣叫過佢一次，追到佢之後就要咁叫佢」講完我都有d唔好意思，耷低頭，而雪凝塊面就更加紅
 
「嘩…家姐妳塊面好紅喎」
 
「多事啦衰妹!!」
 
「風仔你都幾識氹我個女喎」林醫生非常滿意
 
「呀…唔係嘅，有時我都會激嬲佢架」
 
「咁你係咪想娶我個女呀?」醫生單刀直入，傳波都唔傳
 




「其實…呀…」呢條問題答又死，唔答又死
 
「ba b呀!!我地拍左拖一個月咋…你問d咁嘅問題…」雪凝想自行解圍
 
「怕咩呀?我同妳媽咪拍拖半年就決定結婚啦，阿女呀，兩個人相處呢，唔係用日子黎決定，係有幾瞭解對方同埋幾遷就對方所決定」
 
「ba b做咩突然想將我嫁出去呀?」
 
「ba b一向想妳地嫁個鍾意嘅人，點知家姐妳咁多年都冇拖拍，我同媽咪有d擔心者，不過而家唔擔心啦，有風仔照顧妳」
 
「ba b，應該係我照顧返佢」
 
「咁風仔，你係咪想娶雪凝?」到最後個波又踼返黎我到
 
我望一望雪凝，佢好似等緊我答佢爸爸咁




 
「係，醫生我想娶你個寶貝女，其實我由三年級開始鍾意佢到而家」我今次真係豁左出去
 
雪凝聽到之後塊面紅哂，而且開始想喊，眼窩入邊有淚水
 
「ok，夠坦白，咁我先放心俾你地拍拖，不過俾我知你呃雪凝嘅話呢…我唔擔保會唔會俾你地繼續拍拖架」醫生咁樣似係提醒我唔好呃佢
 
「知…知道」
 
「你地後生仔女繼續啦，我當睇唔到」
 
當醫生轉返去前邊果陣，雪凝好快就捉住我塊面錫落黎
 
「嘩!!!家姐好狼死呀!!」