我要左杯紅豆冰,佢飲熱奶茶
 
「翀哥哥,我聽姐夫講你讀書好叻?」
 
「邊係呢,妳姐夫先係讀書叻」
 
「你會考同姐夫一樣30分,不過你係7A1B」
 
「咁妳都知?」
 


「姐夫講嘅,而且你想做個藥劑師」
 
「好奇咩?」佢拎起杯奶茶飲,不過有少許手震
 
「我想問你…一條問題」我開始口震…呢條問題…我唔知應唔應該問
 
「問囉,妳做咩咁緊張?」
 
「你…真係F.4之後冇拍過拖?」
 


佢聽完之後面紅紅
 
「唔….冇呀…我呢D書kai子,邊會有女仔鍾意」
 
「都…唔係嘅…可能有女仔鍾意你呢…」
 
「妳黎就係問我呢d問題?」
 
「我仲想問你…情人節果日…放學有冇時間?」我真係好大膽咁問佢
 


「我都冇女朋友,點會冇時間,但係妳想做咩?」
 
「俾朱古力你」
 
「唔洗啦,唔好要妳專登…」
 
「我係第一次…第一次派俾男仔……」
 
「妳派咩?m&m定金莎?」
 
「到…到時你咪知囉!!咁你有冇時間呀?」
 
「都有嘅……」
 
「咁係你學校附近間starbucks到等啦」


 
「唔係…應該我去搵妳咩?」
 
「你黎搵我?你唔怕契媽咩?」
 
「老實講….我真係幾怕,上次佢冇講野,個氣場已經…」
 
「仲黎唔黎我學校等我?」
 
「咁冇理由要妳就我嘅……」
 
「唔緊要啦,我費事你同姐夫尷尬…一陣家姐以為你…」
 
「下!!我唔會…」
 


「我當然知你為人…我先會揀你…」我最尾果句係細細聲講,但我耷低頭用眼望上去睇佢時,佢都係面紅紅
 
就係情人節當日,我放學賣甩家姐同姐夫,去到starbucks入邊,佢已經幫我叫左杯熱朱古力,坐係到等我