為了實現媽媽遺願，我成為了女校男生: 雪晴與怕羞仔(3)

「你…又知我鍾意飲朱古力?」
 
「我…估架咋」
 
我係書包拎左盒朱古力出黎，雙手遞俾佢「送…送俾你架…我親手整架」
 
肯定好食過家姐果d
 
「妳咁做…唔怕訓導主任?」佢好似有d意思會收我份朱古力
 


「契媽佢會明白，唔怕，我仲有姐夫會幫我」
 
「咁樣……」佢果然同傳聞一樣，非常怕羞
 
「你下個月先答我啦，3月14號」
 
「呀…好呀…但係…呢個月…我地真係唔見面呀?不過我同妳單獨見面又好似…」
 
「咁你搵個同學陪你啦….我搵細姐姐陪我」
 


「哦…好呀…」
 
出左Starbucks之後，佢主動送我返屋企，過馬路果時，因為好多人，同埋我地為左唔俾人見到而行一D小街，果到多車房之類。佢輕輕捉住我三隻手指咁行，而我就挨近佢身邊，可能我眼前呢個怕羞仔大哥哥，都對我有D意思，我地就咁樣行返屋企樓下
 
「我到啦翀哥哥……」我耷低頭面紅紅，佢依然捉住我隻手
 
「嗯……呀…雪晴呀?」
 
「係!」
 


「妳…平日都得閒?」
 
「我夜晚溫完書，大約10點會上陣網…」
 
「唔….我明白…」
 
之後果兩個星期五，我搵埋Jasmine姐姐一陣陪我去見佢

「妳呀!林雪晴，上個月先俾人差d呃左去，今個月咁快又進攻啦?」
 
「咁姐姐妳咪又係一樣，前年先俾契媽趕完出黎，而家咪又有人追」
 
「有人追我，同我接受人地同佢拍拖係兩回事喎」
 
「咁我對其他男仔有意思同我之前果個所謂男朋友都係兩回事啦」


 
「今次妳又揀返同一間學校男仔，又係同級架?」
 
「唔係架…呢個真係大哥哥黎…係姐夫d同班同學」
 
「妳始終對佢念念不忘喎」姐姐似係到恥笑我
 
「妳自己都係者」
 
「咁妳今次拉埋我落水為咩呢?」
 
「萬一撞到契媽，都有妳係到幫幫手頂住幾秒鐘囉，硬食獅哮功會死人架」
 
「我會一腳伸妳出去」
 


去到銅鑼灣，我地幾個就Join埋，Jasmine姐姐同熙哥哥行頭，我同翀哥哥就行尾，始終我地唔同校服，而且年級相差好遠下，我地兩個都唔敢行得咁近
 
不過前邊果pair就比較好笑，佢地兩個不停係到互串，因為佢地都識左幾年架啦。
 
Jasmine姐姐少有咁俾人串到冇得反駁，仲面紅紅嘟長個咀咁發脾氣