為了實現媽媽遺願，我成為了女校男生: Joint school show(6)-楝篤笑雙打

「香片即係Jasmine丫嘛，喂你飲左幾個月都唔知架?你…你…你睇下台下杯香片，嘩……含哂春…唔係…個樣甜到漏咁樣呢…我識佢14年都未見過佢咁嘅樣」我指住詩敏果排黎講
 
阿熙呢個時間先發現自己中伏，而台下詩敏佢就面紅紅又好嬲咁樣，佢d同學就好驚訝
 
「唔講飲茶啦，飲得多要去廁所」
 
「哦..好丫，咁你鍾唔鍾意茉莉花呀?」
 
「細細棵白色好香果棵呀?ok丫，幾好呀，清清純純、斯斯文文」
 




「係呀，茉莉花真係幾『詩敏』(斯文)嘅，不過佢又係叫Jasmine喎」我突然間又爆出呢句
 
「唔講花啦喂，講左咁耐你餓唔餓呢下?」
 
「少少啦，不過呢，你最近鍾意食雞喎」
 
「咁我地以前打完波，最大份當然係KFC啦，多肉嘛，桶餐」
 
「講開KFC丫，以前咪試過食食下呢…有D昆蟲走出黎呀?」
 




「哦!係呀，果次嚇到我地死啦，點解舊雞咁細又有D野走出黎囉」
 
「係囉，幾恐怖呀，果桶就叫做恐怖的雞，簡稱恐怖雞，而你特別鍾意食果舊呢就比較細舊，所以你就係鍾意小恐怖雞」台下掌聲笑聲不絕，應該冇人估到我地可以玩到咁癲
 
阿熙俾我串到一楝都冇，企左係到好無奈咁笑
 
台下面紅到雙手悟住面嘅詩敏就好似向班同學承認左佢有男朋友嘅事
 
「阿熙哥，你…唔洗咁怕羞喎，遲D我同你有親戚關係果陣呢，記住斟茶俾我喎」
 




「得得得，一定斟俾你」
 
「我要Jasmine係你身邊斟架喎」
 
「即係點呀?」
 
「即係你身邊『張』棵Jasmine放係到再斟杯Jasmine俾我囉，簡稱Jasmine張，或者張斯文(詩敏)」
 
「喂阿風哥，其實我地兩個咁樣係台上清談呢…有冇錢收架?」
 
「冇架，不過Joanne話會錫我一啖當謝禮之嘛」
 
「咁我有冇架?」
 
「佢錫完我之後，我再錫返你咪得囉」




 
「好啦好啦!!!你兩個返去後台啦，完啦，你地呢個清談Show完啦」
 
「唔係喎Joanne，妳係我女神黎架，我日日都伸個頭入妳班房望妳架，俾報酬先啦喂」
 
「返去問Jessie拎啦你，走呀走呀!!!你兩個唔好再污染個台呀!!!」