隨住Join school show嘅完結,代表暑假嘅開始,不過AL考生係冇暑假架
本來我同阿b想休息兩星期先開始溫習,但阿b佢真係比較緊張AL升大學嘅事,所以佢休息左一星期就開始落自修室溫書,佢話過唔可以係屋企溫,因為太多誘惑啦。例如:麻雀、電腦等等…不過最大引誘都係佢張床(我指瞓覺),其他兩Pair人呢?佢地都會間唔中一齊黎溫書,始終我地6個人中有4個讀AL。我band A打算揀返major science,minor英文,而阿b呢,佢就冇咩所謂,因為做機師唔係一定要讀機械工程嘅,所以佢考慮係咪陪我一齊讀。因為佢話好怕我身邊有蜜蜂飛黎飛去。
 
阿b係自修室伸左個懶腰,暑假頭嘅自修室都冇咩人係到,果隻咸濕b周不時都會抽我水架,當佢一抽水我就會打佢一下
 
我地已經開始做past paper同備課,不過阿b真係估佢唔到,做事真係好瘋狂
 
就係學校補課開始之前,佢有一日帶左我去間鋪頭到揀衫,係,佢準備同我影婚紗相,仲要係大熱天時影
 
「呀…呢套會唔會太長呀b?」


 
「是但」
 
「呢套點呀?」
 
「是但」
 
真係問佢都多餘,所以我影左幾張俾Ivana同Joanne佢地幾個睇,唔洗一個鐘,佢地4個已經黎到婚紗鋪幫我手揀
 
「Jessie妳無啦啦做咩試婚紗呀?」Joanne已經Join左我地個圈子,經常去奶奶到一齊食飯


 
「妳地問下阿b囉,無啦啦叫我黎試婚紗」
 
「喂,你地結婚啦?」Ivana好興奮咁問阿b
 
「襯佢皮膚最靚,17歲時影一次婚紗相,等到佢人老株黃果時唔洗煩我再影」
 
「嘩!你有冇賤D呀?」
 
「俾佢keep住17歲個樣唔好呀?」


 
「家姐,咁妳地想去邊到影相呀?」
 
「嗯……未揀呀…」
 
「放心喎,我唔會揀返學校影」
 
「嘩…姐夫,我相信你真係夠膽咁樣做架」
 
最後我地揀左馬灣公園同迪欣湖就算
 
到影相果日,佢地4個女仔都話要跟埋去一齊睇,我一換左套婚紗,再化埋妝出黎果一下
 
「嘩!!!Jessie!!!!妳…好靚呀!!!!」Joanne見到後隻眼瞪到就快跌出黎
 


「但係…我第一次著咁低胸…同埋用砵仔糕…有少少尷尬…」
 
的確我係第一次用呢款砵仔糕出街
 
「唔緊要喎,冇事嘅,我地4個都係到幫妳睇住」
 
「阿哥呢?」
 
「佢?佢係外邊等緊啦」
 
「我地行到出去,剛好見到一身白色禮服嘅佢」
 
我見到佢時都呆一呆,同平時嘅佢係完全唔同
 
「阿b…你…今日唔同哂」


 
「妳都係者,上車啦」
 
咔嚓! 咔嚓!
咔嚓!
咔嚓!
「係….男仔,唔好咁生硬,係…俾d笑容」
 
「阿b影相果時,非常怕羞同生硬,同平時嘅佢係兩個人咁」
 
「喂!你咪咁生硬啦,平時上堂咁鬼活躍,而家就硬哂咁款,咁廢架」
 
「係囉,成日過黎我果班到挑機,而家影婚紗相就咁淆」
 
「b你好攰呀?」


 
「唔係,只係有d唔慣者」
 
「不如咁丫…….我今晚去你到陪你丫」我細細聲係佢耳邊講
 
然後呢隻咸濕b立即放鬆哂,所有動作都做得到
 
我地係迪欣湖影左好多相,阿b仲抱左我好多次,不過次次抱完我佢都係扔我落地下就算
 
由於我地唔想咁攰,我地只係影日境
 
夜晚嘅放題餐廳,Joanne同Ivana佢地不停睇佢地幫我地用電話影嘅相
 
「Jessie妳就好啦,17歲就有第一輯婚紗相」
 


「呀…Joanne呀,我地個真命天子出現未呀?」
 
「唉~風哥你只係介紹男朋友俾Jasmine同Karen識,我同Ivana就繼續A0」
 
「下?我冇介紹架,佢地兩個係俾我舊同學睇中架咋」
 
「好啦,咪燒到我地到呀」
 
「妳兩個頭先個樣話我知妳地都想影婚紗相啦」
 
「咁…係女仔都想影架啦」
 
「阿哥,你真係周圍燒火頭啦,我sent左俾媽咪睇,我怕佢又想捉daddy去影過輯啦」
 
「下?Jasmine,當年佢地冇影婚紗相咩?」我好奇咁問
 
「當年係去影樓d景求其影就算架啦,邊似而家咁多景,一陣返到去又可能見到媽咪煩daddy架啦」
 
「Jasmine,妳媽咪真係好好笑,係學校就係威係勢,係屋企就小鳥伊人」Joanne第一次見到奶奶係屋企時都呆左
 
「哦,佢地兩母女都一樣架,詩敏對住佢男朋友果陣係超級小鳥架,成日都『唔…,聽哂你話,掛住你丫嘛,錫返先啦』咁樣」阿b又繼續恥笑Jasmine
 
「好啦!!!毒啞你架我!!!」
 
阿b果然做事係唔按常理出牌呢,17歲就捉我去影婚紗相