香港建國記: 一 · 最壞的時代
鐘聲響起，老師冚埋本教科書同全班講：「份卷講到呢度。今次你地考得唔錯，下年就考dse，繼續努力。陳子樂，你留低，其他人可以去食飯。」
陳子樂一路伸懶腰，一路行去駱sir度。
駱sir等到課室冇曬人之後，哄埋陳子樂度，好細聲咁講：「尋晚有冇再複習多一次流程？」
「梗係有啦，我晚晚都有係個腦度預演聽日嘅行動架。」
「好，批貨到左，教會等，陣間去到再同你複習多次。」駱sir一路執好教科書一路講「啊，同埋幫我去5B叫埋郭浩然過黎。」
.
「屌，駱sir到未架...」郭浩然一路拎住電話打機，一路唔耐煩咁講：「其實我都真係幾撚肚餓下。」
頭先陳子樂叫埋郭浩然，好快到左教會，但係駱sir就遲遲都未出現。
出面傳黎腳步聲，係駱sir。佢拎住個好大嘅袋緩慢咁行入祈禱房，袋野睇黎應該好重。一入到黎，子樂同浩然迅速咁立正，敬禮。
「隊長！」陳子樂即刻過去幫佢拎袋野入去，擺左係枱面。駱sir喘曬氣，抹一抹汗之後，就打開個袋嘅拉鏈。
「終於到啦...搞到我仲以為批貨比班狗攔截左添。」郭浩然好興奮咁衝過去睇。
袋入面係一支M4、一支M16A4、6個手榴彈、6個煙霧彈同埋勁多個彈匣。
「唉，到而家都唔明點解班美國佬要比啲上個年代嘅槍我地！」郭浩然拎起支M16A4，好失望咁講。
「班美國佬同支那打緊仗都肯運軍火比我地，你仲想人地點啫？」陳子樂拎起左支M4。
「係咯，你仲想人地點啫。冇呢批軍火我地仲洗革命嘅。你地已經好好架啦，俊仔同晨曦都係用AK咋。」駱sir都拎起啲手榴彈黎睇「喂，拎個空彈匣做多次M4同M16嘅裝彈比我睇。」
「吓，呢啲基本啦，仲洗乜重溫呀。我地今個月個個禮拜都去訓練啦。」郭浩然好自豪咁話「我打wargame果陣你地連把槍都未見過啦，哈哈哈。」
「快啲做比我睇啦，得個講字。」
浩然同子樂都純熟咁做左次比駱sir睇。
「好，咁講多一次行動流程我聽。子樂，你先。」
「朝早9點sogo門口等，見到RT586就上車，到左灣仔政府大樓之後就第1、2同3小隊負責攻告示打道入口，我地同5、6負責攻港灣道入口。車手會負責封路，我地一落車就掉手榴彈過去入口班老解度。攻破左第一道防線之後就快推入去。確保地面果層clear之後第25、21連就會黎增援，協助疏散樓上嘅市民。有冇講漏？」子樂同浩然都一口氣咁背曬出黎。
「冇，非常好。但係記住，最終都要等今晚briefing先會知道final嘅行動細節。」駱sir拉番埋個袋嘅拉鏈。「你地想嗌外賣定出去食？想食咩？」
「我想食譚仔。話曬聽日我地都可能一去不返，點都要食翻餐譚仔掛。」子樂掹左個彈匣出黎，將自己嘅槍同裝備袋入書包。
大家都咁啱想食譚仔，就買左番教會食。
「駱sir，識左你咁耐，你都未同我地講過你中學時代啲抗爭史喎！話曬你都係我地4小隊入面唯一一個經歷過2019同2020年抗爭嘅老餅，點都要講黎聽下掛！」浩然一路食三小食到面都紅曬，一路講。
駱sir食埋口入面嘅米粉，就開始講：「想當年當年我仲乳臭未乾，6月之前都係港豬黎，直到身邊個個friend都出曬去抗爭先開始留意時事。就係咁，我7月21號第一次做和理非出去遊行，跟住就越行越前，又識左班啱傾嘅手足，從此就組左隊，做左戰友... 」
駱sir由10月1講到理大之役，再講到武漢肺炎，講到出神入化，不知不覺沉醉左係回憶隧道入面。
不過當佢講到2020年6月16號遊行之後，佢個樣突然間變得嚴肅，冇繼續講落去。
「之後呢之後呢？林鄭唔係強推23條咩... 唔！」浩然本身好積極咁問落去，但係比子樂撳實左個口，唔比佢講落去。
子樂即刻唔好意思咁話：「Sorry sir，我地好似掛住聽你講唔記得左食野添，快啲食野先啦... 」
「唔係。有啲野，你地始終都要知。」駱sir好嚴肅咁講。「你地應該都知6月尾嘅時候，林鄭強推23條，7月1號嘅遊行雖然警方冇批到，但係都有好多人出左黎，塞滿左成個金鐘同中環嘅街道，支援前線攻入立法會。果日我地用夏慤道做據點，係添美道、添華道同龍匯道夾攻班狗。我同我果team嘅其中一個手足企左係添美道防線，同班狗打左全日都攻唔到入去。去到傍晚6點，雙方都開始好攰，進入左對峙狀態。夜晚7點，我地幾條線同時一齊突襲左班狗，幾乎攻破左佢地防線。係呢個時候... 」
去到呢度，駱sir停左，佢拎住筷子嘅果對手開始震。
「...係呢個時候，添華道果邊傳黎4下槍聲。我地仲未反應到，眼前嘅防暴舉起左AR15，開始... 開始向人群掃射。」
講到呢度，成間房變得異常平靜。
「好記得身邊果位手足成個身向後抖左一下，跌左係地上面，即刻... 即刻成地都係鮮血。我地開始向後跑，身邊嘅手足一個一個咁中槍倒地。我同team果個戰友個肚中左槍，要搭住我黎跑。我地一路跑，班狗就一路推進一路開槍。我同個中左槍嘅戰友跑到番夏𢡱道，班狗就冇再推進。果陣已經... 已經成地都佈滿左屍體。我叫左FA過黎幫佢急救，但係已經太遲。佢就係咁樣係我面前死左。之後，我即刻跑去添華道搵另外兩個teammate，發現佢地一早已經中彈死左。果班戰友係果陣對我黎講最親最重要嘅人。」
呢個時候，子樂同浩然揸緊筷子，聽到神色好沉重。
「果日之後，我發誓要報仇，要殺左中共班狗！香港獨立黨一成立，我就加入左，展開左過去呢10年嘅地下抗爭。」駱sir揸緊左拳頭，冇再手震。
「聽日你地將會踩上戰場，但係請你地記住，你地係踩住死去嘅手足嘅屍體上前戰鬥。你地係新血，所以當你地想放棄嘅時候，就諗下我呢句話，同埋手足係過去10年為左策劃呢場起義付出嘅努力。香港嘅未來係你地手上。加油。」