香港建國記: 二、前夕
「今天，多批反中分离份子趁英勇的解放军顽强抵抗美军入侵时在全国多处发起暴动，国家派出解放军联同武警压止... 」荷里活廣場嘅大螢幕播住六點半新聞，經過聽到嘅浩然嘴角不禁泛起一絲淺笑。
浩然好快就搭小巴到左慈雲山，落車之後行左陣，去到一個寫住「基督靈恩堂」嘅門口，就入左去，行左上樓梯。
行入教會就係大禮堂。台上面嘅螢幕顯示住「第31步兵連」，隔離掛住一支「光復香港 時代革命」嘅旗同埋一支黑色洋紫荊國旗，台下坐左大約70幾個人。
「隊長！郭浩然到左。」台下面其中一個睇落大約20歲、剪齊陰，著住件carhatt鬆身tee，下身工裝褲襯converse，睇落斯斯文文嘅男仔望左浩然一眼之後轉身同後面嘅駱sir講。
「hi晨曦。」浩然同果個男仔講。
坐係晨曦隔離嘅係子樂，子樂隔離嘅係一個電錫紙燙，戴耳環，著住件off-white tee，腰間掛住條金鏈，下身著黑色機能褲襯yeezy boost 350嘅mk仔。
浩然坐低左係個mk仔隔離。
「喂，浩然，記得like我新po呀！」mk仔同坐係佢旁邊嘅浩然講。浩然笑住咁應佢：「係啦係啦。吳灝俊你個死famj，就黎要搞革命都仲掛住開po...... 喂！龍上尉到啦！」
話音未落，禮堂門口傳黎沉重而且有力嘅腳步聲，一個成身肌肉，板住塊撲克面，成手紋身嘅大漢步入左禮堂，場內70幾個人隨即立正。
個大漢，亦即係龍上尉行左上台，整理左一下佢手上嘅文件，然後向台下講：「稍息。」
即刻，全場有序咁坐低。
「各位第31步兵連嘅手足，今日係最後嘅briefing，請各位聽清楚。根據scott scout哨兵連嘅最新情報，對家喺目標建築物，亦即係灣仔政府大樓，調派多左大約30幾個步兵同20幾隻速龍駐守，夾埋本身嘅駐守部隊大概有多過100人兵力。有見於此，我地會調派第23同15步兵連支援你地進行第一波攻勢。」龍上尉禁一禁手上嘅遙控器，螢幕轉左去下一頁，顯示左目標建築物嘅地圖。
「另外，對家係呢度、呢度、呢度、呢度同埋呢度set左5個機槍巢，必需首先消滅左佢地，先可以推到入去目標建築物。」佢一邊指住正門同後門分別幾個位置一邊講。
講左大約15分鐘之後，龍上尉就話：「第31步兵連嘅Final briefing就去到呢度。記住，要攻到入政總首先一定要佔領到灣仔政府大樓做我地嘅總部，所以聽朝嘅行動係至關重要，香港嘅命運係你地手中。」佢放低左遙控器，繼續講：「各位手足，過去呢10年黎，從2020年嘅7.1大屠殺，到《宗教活動管制條例》，到社會信用系統嘅啟用，再去到中央接管香港，我地都忍氣吞聲，親眼睇住支那不斷咁侵蝕香港人嘅基本人權。」
上尉嘅聲線強而有力，台下嘅隊員嘅眼神都充滿熱血。
「但係聽日，我地將會打破沉默。我地要話比全世界知，雖然自反送中以黎，我地超過10,000個手足被捕，超過1,000個手足被殺，但係我地從來都冇放棄過自己嘅家園！美中開戰、各省獨立亂鬥，支那同時內憂外患，呢個係上天比香港人嘅機會！而機會只有一次，成功嘅話，我地將會奪回香港嘅控制權，完成死去嘅手足無法完成嘅建國大業！」
「光復香港！」上尉大叫。
「時代革命！」台下用雷一般嘅吶喊回應。
.
「我番黎啦。」子樂一路閂門，一路除鞋。
廳入面，子樂老豆同老母坐左係梳化上面睇電視：「今天，经过逾一个月的英勇抵抗后，上海市不幸沦陷，最终落入美军手中。经美军多轮轰炸的上海市沦为一片废墟，无数无辜百姓被美军杀害......」
「唉好心你地就唔好睇tvb啦。啲新聞假架！」子樂忍唔住鬧左老豆老母一句。
「你條仆街仔以為自己邊個呀！」本身就黎訓著嘅老豆爭大對眼，執起拖鞋作勢打子樂。「就係你地呢啲廢青呀，有書唔讀好係度亂咁講野！」
「咪係！你都痴撚線架，淨係識話咩tvb係假新聞。你咁叻你去開新聞台咯！」老母又鬧埋一份。「真係唔知點解當年會生左你呢舊垃圾出黎！又不孝又搞亂個社會！」
「呀媽老豆，你地醒下啦！係班老解自己炸左上海市架！班無辜百姓全部都係班老解為左殺美軍而一齊炸死埋架！」
「你再講呀拿！你再講我即刻通報扣鳩你社會信用分！」老母作勢去拎電話。
子樂屌左一聲，就衝左入房，大力bang埋度門。
子樂掉低書包，上床匿左係被竇入面喊。喊下喊下，佢就訓著左。
訓醒果陣已經係夜晚11點幾。佢對眼腫曬咁落床，拎起紙同筆就開始寫：
呀媽、老豆，如果你睇到呢封信，咁即係我已經死左係政權手下。我希望我嘅死能夠喚醒你地，令你地睇清楚中共政權嘅真面目。你地講得啱，我係一個不孝子，我冇係有生之年盡孝，我真係好對唔住。我冇好似你地咁講努力讀書，考大學，反而出黎「搞亂社會」。或者係你地眼中，我只係一個被就地正法嘅暴徒，但係請你地知道，我係因為愛香港，愛家園先會拎條命出黎搏。另外，就算你地唔明白我嘅苦衷，都請你地知道一樣野：我愛你地。非常非常愛你地。最後，我都想為我嘅死帶比你地嘅不便講聲對唔住，希望你地能夠好好咁生活落去。陳子樂上。
寫完之後，子樂就將張紙涉左係信封入面，然後放入櫃桶入面。之後，佢打左個喊路，攤係張床度，又訓左。