「如果在我讀書期間分手，等我回來重新追求你好嗎？」: ［嘉敏］幸運

回到家後，我拖著疲累的身軀往床上一躺，床褥的柔軟讓我暫時忘記了煩擾。放在枕邊的手機突然亮了，刺目的螢幕顯示著：悠悠傳來訊息。

我心中疑惑，竟然這麼快就有效果了？我懷著緊張的心情點開聊天視窗。

「其實我仲釋懷唔到你對阿宇同我地既等級待遇。」

守得雲開見月明，她終於肯和我聊聊了！

「例如呢，你可以同我講㗎⋯⋯」



「佢召喚你成隻兵甘走過去，拋低我地同佢放學，佢唔得閒就好似救生圈甘搵我地放。最嬲既係我嬲緊阿宇，阿宇竟然WhatsApp我叫我唔好嬲你！」

我吞了吞口水，隔著螢幕都能感受到悠悠的怒氣，阿宇簡直是火上加油！但思前想後，比起哄她開心，我仍然希望她明白，我需要一點空間。

「其實我大部分時間都係同你地一齊，係學校好少主動搵佢。但我都希望你地體諒一下，拍拖都需要多啲時間相處，所以先希望可以同佢一齊放學。」

「我只係覺得你同我地一齊嗰陣，個心都唔係度，好似比你忽略左甘，好心酸。可唔可以擺多少少心機落去⋯⋯」

我真的沒料到身邊的朋友把我放在這麼重要的位置，會因為我而這麼難過。



「其實我好在意你地既感受，你唔開心我都唔開心㗎！但我可能冇留意到自己既態度，我之後會注意下，唔好唔開心啦⋯⋯」

「嗯⋯⋯可能你突然間拍拖，令我覺得你好似俾人分左一半甘，唔習慣，遲啲就冇事㗎啦。」

和她談開來，心裡舒暢了不少。鼻頭突然一酸，有股莫名的感動湧來，弄得我眼泛淚光，遇上這些人大概是我的幸運吧！

收拾心情後，我便和阿宇報喜。

「我地冇事啦，多謝你幫我。（遮眼）」



「那就好！要是感謝我的話，明天放假有空嗎？」

「應該得閒，做咩？」

「我有表演，你要來看嗎？」

「好啊！」

阿宇除了打籃球，還是個鼓手，和他的長相非常相襯，只是我從來都沒有親眼看過他打鼓，感覺會非常帥氣呢！

而且這次也是我們久違的約會，心裡撲通撲通地敲打著緊張又期待的樂曲，我拿著手機笑得甜滋滋的。

一昂首卻看見媽媽站在房門，一臉奇怪地看著我。我的笑臉馬上凝結，嘴角停在一個尷尬的角度，底氣缺缺地說：「做咩？」

媽媽用懷疑的眼神打量我，說：「睇咩笑到你咁既樣啊？係咪識左男仔啊？」



我心下一驚，果然是親生母親，一眼便看穿了我。但我還是打算垂死掙扎一下，心虛地摸了摸鼻子說：「唔係啊，睇緊啲搞笑片啫嘛⋯⋯」

她還是不太相信，坐了下來，皺著眉頭開始說教：「妹妹啊，唔好咁早拍拖，影響學業啊！你睇你哥哥分手之後就成個世界塌左咁，完全讀唔到書，我驚你好似佢咁就死得啦。」

我躲開了她銳利的眼神，把自己的臉埋在抱枕裡，敷衍地說：「得啦得啦，你放心啦！邊有人鍾意我喎，我咁懶！」

媽媽馬上萬般認同地說：「係呀，你都知呢？你真係超級懶，我明明生既係人，結果變左一隻豬！」

我悶著自己，假裝生氣，感覺到床的壓力消失，腳步聲遠離後，才繼續看手機。

阿宇：「那寶貝明天見啦！（心心）」

嘿嘿⋯⋯心情真好！瞄了瞄空無一人的房門，我再次笑得美滋滋的。