家姐的底底誤我終身: 第五十八章 老實人啊仁

仆街啦真係，再慢慢黎，家姐真係會俾人搶走。我馬上行動，落樓買料然後煲湯。

夜晚八點半，我企左係家姐屋企樓下，手上拎住一壺裝住湯既保溫壺。

等左大約半粒鐘，家姐終於出現，而家姐身邊，明顯多左一條狗公。佢地肩並肩，有講有笑咁行過黎。睇個樣，應該係岩岩食完飯返黎。

家姐一身標準OL look，上身白恤衫，下身黑色西裙。雖然家姐只係二十頭，但性感既味道已經散發晒出黎。

而果隻狗公，藍恤衫西褲，廿四五歲，高高瘦瘦，濃眉方臉，個樣老老實實咁。



“家姐。。。”我係家姐就行埋黎時，離遠叫左一聲。

家姐好明顯估唔到會見到我，呆左一呆，過左幾秒先識叫翻我一聲“細佬。”聲線仍舊平淡。

“家姐，我煲左啲湯俾你飲。”我遞出手上既保溫壺。

“多謝。”家姐伸手接過，然後轉頭同隻狗公講：“送到呢到得啦，我上去啦，拜拜。”家姐對狗公既語氣明顯好好多。

家姐走得好快，未全唔俾我同佢面對面傾計既機會。我心入面不禁又嘆左一口氣。



現場忽然間淨係得我同隻狗公，家姐完全無為我地介紹過對方。

“嗨，你好啊。”隻狗公主動同我say嗨。

“嗨，你係。。。？”

“我係你家姐男朋友，我叫啊仁。”

我明知故問，得到呢個答案，我又嬲又沮喪。



我無心情理佢，講左聲“我叫啊輝”後，就自顧自咁行去搭車方向。但呢位仁兄竟然跟上我腳步，行近我身邊。

“啊輝，有樣野想問下你。”啊仁擺出個認真樣。

“咩事？”我地邊行邊講。

“想問下你知唔知你家姐初戀既事。”

“家姐初戀？做咩咁問？”佢問起家姐既野，我即刻提起興趣。

家姐既初戀？本身我都呆左一呆，家姐都未拍過拖，何來初戀？但之後再諗深一層，我就知道了。

“無啊，我覺得你家姐仲未放得低佢既初戀咁。”啊仁頭耷耷咁。

“點解咁講？”



“無，我feel到。。。”

“哦。。。”我都同啊仁一樣耷低頭，我思考緊啊仁頭先講既野。

“喂啊輝，唔駛灰心喎。我知道晒你同你家姐既事，放心啦，實有灣轉既。”啊仁拍一拍我膊頭。

“你知道晒？”我有啲驚訝。

“係，連你已經辭左份工都知道。”

哦。。。我諗應該係頭先食飯時家姐同佢講起。一輪傾談之下，原來佢所講既知道晒，其實只係知道我同家姐嗌交既事。

咁又係，家姐點會同人亂講其他更私密既事。



“你地係岩岩拍拖？”

“係啊，手都未拖啊。。。”啊仁有啲泄氣。

實在太好！手我都仲可以接受到，如果你條仆街夠膽同我家姐攬攬錫錫，我真係當場就打獲你。雖然未必夠打。

“啊輝，不如等我幫你地兩姐弟和好啦。”

“你有計？”我原本耷低既頭，馬上抬起。

“無啊。。。我衣家淨係諗到約你家姐出黎時叫埋你炸，你地話晒都係兩姐弟，多啲溝通既機會，容麥易和好啊，係咪？”

啊仁竟然唔係果啲低賤既狗公，實在令我感動。

“但家姐知道左我會黎，實唔肯出。。。”我都約過家姐幾次，全部慘被拒絕。



“放心啦，交俾我。”啊仁拍一拍自己心口，露出微笑。