行山遇到三條女（少甜）: 行山篇

「嘩，屌你呀，咁撚難行既，下次plan個易啲架啦浩然。」阿豪講。

「咪係囉，行到我周身汗啦。」阿傑講。我心諗你班hihi呀，你地叫黎，我負責plan仲咁多聲氣。

無錯今日我地好似啲廢老一樣抗疫行山呀，無我地如期咁撚多人，但就真係熱撚到仆街。我地都忍唔住除衫。

「行快啲啦，好快到山頂啦。」我講。

突然，我feel到我左右手都迎來一下碰撞，伊個下我地既暗號，代表附近有正妹，我就即刻四圍望啦，就見到三條女坐係樹底到乘涼，估唔到有女仔仲會行山，一個矮滴滴既幾符合我囗味。



不過女依啲野，都係睇下既姐，好快就行過左佢哋。突然，後面就傳來呼叫「唔該」，我地即刻拎轉頭，佢哋就話「我想問邊到落山呀。」

我真係呆咗，龍脊係得前後兩條路行，真心問架？但我都回應佢哋既問題，指左我地上黎既方向俾佢哋。然後拎轉頭就走，佢哋就大叫唔該靚仔。

然後，我都無理直接攻頂，途中阿豪同阿傑不停討論個靚仔係講邊個，我心諗有咩好爭呀，叫哂全部唔得既，明顯客套說話啦。

上到山頂後，我地照樣打卡，然後就搵路落去，見到條路係真係好險峻，係綁曬絲帶嘅崎嶇山路，我地伊啲初哥點行呀。

正當我想回頭時，個三條女跟左過黎，見我地呆左，佢哋就講「我地唔想行原本條舊路咪過黎睇下囉。」



我就話「見到咁你想唔想行呀？」阿豪同阿傑好似見到踏腳石咁講「浩然，你咁細膽架，你唔係驚呀？」

我心諗「屌你呀，又造我，不過一陣行你地就知死。」

然後，我就話「ok,咁行囉。」頭先話細細粒嗰個都話「你地話ok就得啦，但係你地要保護我地架。」

係途中，我地傾左唔少，知道左原來矮矮地嗰個叫Irene,另一個有少少高冷既叫芷晴，而最後一個就一個眼鏡娘叫深田。

落去期間，有啲好難落既山路，我地都伸出我地既友誼之手，我就要扶著芷晴。佢每次都好溫柔咁講唔該，不過就好少出聲。我望住阿豪見到佢扶著Irene，真係心生妒忌。



但係話咁快就到左公路，我地準備係旁邊巴士站休息一陣，我突然發現佢哋全部望住我，我心有不解所以又周圍望，先發覺我頭先拖著芷晴無放手，佢見我咁望住個面都紅哂，我都好尷尬咁放開隻手。

忽然，有架紅van停左係我地面前，個司機話「依度好難有車架，你地去邊呀」我地話去筲箕灣，個司機即刻趕我地上車。

上到車，見到其他乘客異樣既眼光，先發覺自己無著番件衫，我即刻就著番，而旁邊既芷晴就微微一笑，伊一笑好動人心弦，我既心都有被伊個高冷女神融化。但好快就被隔離朋友既打閙聲喝醒。

我又望向Irene，望著她和阿豪打閙着，心中真的不甘。Irene突然望向我，我們對視了十多秒，而阿豪即自己說着，並沒有留意。此刻我地就好似偷情咁，互訴情愫。但好快佢就望番窗外既風景。


到左筲箕灣後，我就提議食黃店，最後全票通過，決定食大丼家(真心正)。