行山遇到三條女（少甜）: 食野篇

我地就慢慢咁行過去大丼家到，我帶頭行，同時芷晴都係我隔離。我行緊時，就望一望後面，發現阿傑已經搭住左深田既膊頭，睇黎佢哋都幾玩得喎。便報他們一個邪惡既微笑:-]。

入到大丼家，先發現人客好少，我地就緩緩坐低，我就坐中間，旁邊係芷晴同Irene，而對面就係深田。

然後，我地就叫左好多野黎懲罰間黃店。係等野食期間，我就繼續同lrene芷晴傾計。

忽然，我隻腳feel到一條白滑既腿掃過，不停磨擦，有少少愕然少少緊張，因為係呢個方向，一定係深田。頭先望到佢已經估到佢係肉食女，但估唔到佢既魔爪係向我姐。

係我十分驚慌既表情下，佢終於停下左佢既攻勢，並係無人發覺既情況下對我單眼了一眼，那電力真是十足。但我也故作震定地食完飯。



然後我地就愉快地食完大丼家，然後就一齊過番九龍，途中交換左contact，佢哋個個都係彩虹之前落哂車，最後淨番我同芷晴係去黃大仙。

得我地兩個既時候，真係無野講，可能因為佢又高冷，我又毒啦，驚講錯野，個現場真係有少少尷。

係依個絕對零度既場面中，芷晴突然話「其實你地啲男仔係咪都係鐘意Irene依啲女神架，我見你今日成日望住佢。:-(」

我心諗「仆街啦，有咁明顯咩，雖然Irene真係girlfriendable」，但係我都排哂野講「無呀，我睇下阿豪咋嘛，你都咁一樣可愛呀。」然後摸摸佢個頭。

然後，我就後悔啦，毒撚最忌有自信，我咁摸法佢會唔會嬲豬呢[sosad]。



點知佢面紅紅咁，唔知係架車焗定點，然後話「真係既？」

我話「真架」然後佢就望番出窗，但我隱約見到佢笑緊，我都放心啲，就無理。

然後，我就打開手機，將佢地加入去山系男子個group到，再改名做山系男女。

阿豪就即刻話「脫毒成功」「歡迎大家」

芷晴都望住手機輕輕微笑。



好快我地就到左黃大仙，我同佢原來住好近，唔知細個有無見過呢。然後我就同佢講再見:)。佢都好開心咁同我講88。然後我就返歸啦。