行山遇到三條女(少甜): Irene行山篇2
不知不覺就到左飛鵝山山頂,啱啱好仲係5:30,仲可以體驗一下夜景。
Irene講「好靚呀,見到哂成個九龍既夜景呀」
我講「係呀,真係好靚,我地坐係涼亭等一陣啦。」
Irene講「好呀」
我地係涼亭到相鄰而坐,慢慢等著天光既到來,可能真係太早既關係,尋晚大家都無咩點瞓過,但係我就無可能瞓啦,我瞓埋邊個叫睇日出呀。
所以我講「Irene,你係眼瞓,就瞓陣先啦,我一陣再叫醒你啦」
佢無絲毫猶豫講「好啦」
我本來以為佢會靠落我到瞓,點知佢靠落條柱到瞓O:-)。不過睇住佢既睡姿真係好可愛,緩緩張開既嘴巴,有少許滴落既囗水,就好似水潤成熟既蘋果,真係好想一啖咬落去。
除左隻腳短左啲之外,真係無任何缺陷,真係好想佢做我女朋友呀。
望住佢既時光真係過得特別快,天空漸漸變白起來,所以我就叫醒左佢。
佢逐漸矇矇矓矓咁起身,我便趕快拉住佢到瞭望台前。夕陽緩緩升起,沒有任何迷霧,形成左一個美麗既日出。
佢興奮得好似個小孩一樣,狂咁用電話打卡影相,同叫我幫佢影相。
因為疫情既關係,山頂十分少人,旁邊只有一對夫婦,有住專業既攝影器材。
突然,佢地同我地搭話講「你地係咪拍緊拖呀,我幫你地影番幅相呀?」
Irene突然玩性大發講「係呀,唔該你地呀」然後對我淺淺一笑,深有寓意。
然後,佢緩緩勾着我既手臂,連拍了好幾張,我地都好滿意,也交換了電話。之後夫婦就同我地講啲人生大道理,同埋一啲香港現況,並講「三十年後香港都唔知仲係咪咁樣囉。」
我都深有體會,依架既我地就好似一家人咁,真係好溫暖呀。
因為佢哋想留多陣,我地想走,所以就無車我地,最後我地都要自己行返落去。
離開左夫婦後,我就問佢「點解答我地係情侶既#hehe#」
佢就有啲怕羞咁講「我想同你影張相呀嘛,又驚叔叔姨姨知我地唔係會走,所以咪。。。」
突然,佢「哎呀」地叫著。