行山遇到三條女（少甜）: Irene行山篇3

我回頭一睇，發現Irene已經跌低左，手按着腳踝。

我立即衝過去幫佢睇「你鬆開隻手俾我睇下。」隨後見到一片瘀青，緩緩紅腫起來。

我講「你拗柴呀，咁唔小心架你。」

Irene講「下，咁點算呀？」

我講「落到去先算啦，上黎啦我孭你」



二話不說佢就上左黎，立刻就感受到佢胸前既波濤洶湧。手放係佢既大髀上，雖則短但仍夠白滑。

然後，佢問「係咪好重呀，點解仲唔行既」

又太入迷啦「唔係呀，我調整一下姐」

最後就經飛鵝山道緩緩下來，雖則係落斜同佢好輕，但都係有少許辛苦。一到有的士既地方就截左架同佢一齊番佢屋企附近既鐵打鋪。

我都有小小內疚無睇實佢，所以幫佢俾左鐵打錢。



然後就送左佢番屋企，原來佢住觀月·樺峯，有錢女呢:)。

我問「你屋企有無人呀」

佢答「有呀，媽咪同阿哥都應該係屋企」

估唔到，識唔夠一個星期，咁快就要見家長啦，第一次見仲要整傷佢個女，小緊張呀:~(。

開門後，迎來既係Irene媽咪慈祥既臉，我即刻沙冧講「Irene媽咪唔好意思呀，我無睇實佢，搞到佢整親，唔好意思呀。」



好采佢媽咪好好人，講「你太客氣啦，你肯帶佢番黎，就已經證明你好仔啦，我唔該哂你就真，入唔入黎坐下呀」

第一次留番個好印象就算啦，費事講錯野「唔啦伯母，我仲有野做。」

I媽講「咁好啦，唔該你byebye」

我講「byebye，Irene，伯母」