行山遇到三條女（少甜）: 再偶遇芷晴篇

然後我就返黃大仙啦，仲未食lunch，好肚餓呀。繼續食大快活，正#like#。

我入到去大快活，就點左個肉醬意粉，正當我想講堂食時，後面有個人拍一拍我膊頭，然後代我講左「外賣呀唔該」。

我拎轉頭就見到芷晴，輕輕一笑咁望住，望住佢天真無邪既笑容，我就知上次同佢一齊真係解決左佢不少壓力。

個點餐員見有人代我答，都係等緊我既回應，我便點一點頭。

隨後便繼續和芷晴講「你夠唔夠錢架，使唔使我幫你俾#bye#。」



芷晴講「唔使啦，上次係咁啱月底未出糧姐」

攞完餐後，就行上佢屋企食喇。

芷晴就講「係喎，你今日去邊黎呀，今日Irene行山好似整親隻腳呀，唔知佢同邊個呢？」

芷晴明明唔係我女朋友，但係我硬係唔想話俾佢聽我同Irene行山，我就答「下，係咩，傷得嚴唔嚴重呀，我今日去同朋友行下街咋」

芷晴話「唔知呀，佢無話俾我聽呀」



話咁快又到左佢屋企，繼續都係空無一人。然後我地就有講有笑咁食完午飯。

然後佢就叫我陪佢追一套叫紙房子既西班牙劇(真心推)，我地因為用IPad既關係，大家要貼到好近，先可以看得清，大髀貼大髀#like#。

但套劇真係好撚好睇，搞到我要放下兒女私情喇，同香港人一樣反對政府既暴行，結果佢哋成功左，同時令我對光復香港越來越有憧憬。

由朝睇到晚，終於睇完一季啦。而芷晴原來已經 悄悄地咁瞓着左，身為一個暖男梗係幫佢鋪番張被啦。

月光照耀下既佢，真係好迷人，月光使佢既臉部更顯光澤，如此粉嫩，如此誘人，我情不自禁之下就錫左落佢塊面到。



心諗「屌我係到做咩呀，依啲叫乘人之危呀，下流手段，屌仲有我唔係鐘意Irene架咩。希望芷晴無發現到啦，對唔住呀芷晴，我唔小心架咋。」

錫完之後，就陷入左沉重既自責中。

一於無理，返屋企，細細聲講「byebye芷晴#:)#fs」

然後就返左屋企。