行山遇到三條女（少甜）: Irene家篇3

然後我就去左沙發到坐左係度，睇一睇電話先瞓，睇一睇先發現芷晴sent 左message俾我。

芷晴:「浩然，你瞓左未呀，唔見你一陣，已經好掛住你啦。」

芷晴:「咁耐都唔覆既係咪瞓左啦？」

都成半個鐘前講啦，我即刻答佢「唔係呀，頭先沖涼加閉左陣關溫書呀嘛，唔講啦，早啲瞓芷晴bb。」

等左陣，佢都無覆到，應該都瞓左喇，我都係瞓先。



生寶沙發真係唔係太好瞓，碌咗成晚都唔係太瞓得著，但係都發左陣夢，隱約記得我同一個人係教堂到結婚，正當我想講我願意既時候，突然就有個人衝左入教堂講我唔同意呀，啲樣都好矇糊睇唔清。
伊排成日發啲平時唔會發既夢，唔知點解。

電話叮叮響起，果然又係芷晴。

芷晴:「浩然醒左未呀，尋日早左瞓無覆到你呀，你係度做咩呀。」

唔通答佢係你個fd屋企咩，所以我就話「無呀，諗住刷完牙煮個早餐食囉。」

芷晴:「吓，唔好啦，我想見你呀，一齊食早餐呀。」



好彩唔係講電話咋，仲有時間俾我應對，如果唔係我就應該答左我係觀塘點同你食呀。

我:「下，唔好啦，我今個星期無錢啦，同埋一陣要溫書啦，乖，下個星期日日陪你好無？」

芷晴:「咁好啦:-(」

然後，我就無再覆佢，就入左廚房煮左兩隻蛋加兩個即食麵俾自己同Irene。

無幾耐，Irene就出左黎，不過就換左T-shirt，洗唔洗咁驚我呀，我真係唔小心架咋[sosad]。



我就當然當咩事都無發生過啦，講「早晨呀Irene，煮左早餐俾你呀，快啲黎食啦。」

佢無應我，不過都緩緩咁扶著牆過黎。

佢慢慢一啖一啖咁食，好快就食哂「點解你煮蛋可以咁好食既。」

果然，食物真係可以俘虜女人既心，講「無呀，好辛苦架，要將蛋白打發一千次架，我咁辛苦，你會原諒我架可」

然後，合實雙手放係下巴扮可愛眨眼。

Irene見到咁就話「男人老狗做埋哂啲咁既野，得啦得啦，原諒你啦#ng#。」

然後我就收左啲碗入廚房洗。



出到黎，就發現佢溫緊書。