行山遇到三條女（少甜）: Irene家篇4

我講「你溫緊書呀，溫緊咩呀」

佢就話「溫旅款囉，就黎考啦。」

我講「原來你都讀旅款架，我都係呀，不過我都小放棄依一科啦，好多野溫呀。」

佢擰一擰頭講「咁你就有所不知啦，溫旅款要有系統，有方法咁溫先得架。」然後教左唔少我唔少記既方法，好似咩旅遊產品特性用「無時差 保互權」黎記，真係入腦好多。

佢慢慢咁由第一課開始講講到最後一課，真係明白左好多。唔經唔覺都溫左成三四個鐘啦，去到成一點幾。



我就話「唔該哂你呀Irene，教我咁耐，嘥曬你啲時間。」

佢講「無呀，教你既同時我都溫緊架，當報答番你專登上黎啦。」

突然， 橦門傳出左開門聲，然後Irene媽就番黎。

Irene叫左聲媽咪，我就叫左聲伯母。

I媽講「 係你呀:O，上黎同Irene溫書呀」



我講「係呀，伯母，順便睇下Irene隻腳囉」

I媽講「你真係乖呀，Irene識著你真係好呀，係呢都未問你咩名呀？」

我講「我叫浩然呀」

I媽就接著講「上次話有野做，今次應該無啦掛，留低食飯得唔得先。」

果然，依啲野都係避得一次避唔到第二次#haha#dog，咁快就要見家長。



伯母入左去炒餸，我地就繼續溫下書咁。

無幾耐就煮完，我地就圍埋一齊食，伯母不停咁夾餸俾我，同問我好唔好食。我終於知點解Irene會話我煮啲野好食啦，因為伯母啲餸真係認真麻麻。

Irene見到咁都知咩事，但係佢無救我，只係隔岸觀火，不停偷笑#hehe#dog，仲俾左個眼神我，好似話俾我聽，你都有今日啦咁[photo]。

但我都好好仔咁講「好好食呀伯母」

I媽講「好食你食多啲」然後又夾左一大堆餸，真係哭撚左#cry#dog。

又食左陣之後，I媽就開始盤我啦，我都估到啦#notcry#dog。

咩學校呀，住邊區呀，第時諗住做咩，通通問哂，我當然都答哂啦。

最後，佢就問「你依架同我個女發展到點呀？」



Irene聽到之後，就叫左聲媽呀。

我望一望Irene然後答「普通朋友囉」

Irene聽到後唔知點解我feel到佢好似有小小失落。然後伯母都無再問啦。

食完飯之後，Irene就上左廁所，而伯母就捉住我同我講「浩然，我同你講呀，Irene咁多年都未帶過男仔番黎架，我個女對你咩感覺，你就自己諗啦，但我希望你唔好辜負我個女啦。」

我心諗會唔會呀，兼且我伊加有女朋友架啦，就算萬一Irene鐘意我可以點姐，但我都應付左伯母先「好既」。

Irene都係廁所到出左黎講「你地傾咩野呀」

我講「無呀，我都係走先啦，下次再見啦，byebye伯母,Irene。」