行山遇到三條女（少甜）: 芷晴拍拖篇1

晴拍拖篇1

返返去黃大仙期間，我就係度回味尋日發生既事，同埋諗下伯母講既野。唔通我真係要起雙飛，都應該幾爽。屌，屌，屌我都on9既，諗埋哂啲咩野呀，以為自己返左古代咩，三妻四妾。唔好諗，唔好諗啦，陳浩然。

我忽然諗返起芷晴，尋日先一齊，今日就好似疏落左佢咁。所以我就whatsapp佢。

我:「bb,我溫完書啦，不如一齊係黃大仙行下呀。」

佢秒回我，芷晴:「好呀，你等一陣呀#love#。」



我好快就到左佢樓下等佢落黎。等左頗耐之後，我就係到睇手機算啦。

忽然就有個人係背後熊抱我，仲要扮哂雞仔聲咁講「你估下我係邊個」

我一邊解開佢雙手，一邊好開心咁講「你咪我bb囉」

然後佢就又好開心咁抱番住我講「唔見你一陣，個心已經唔安樂啦」

我就回抱番佢講「我都係呀，我瞓唔着添呀，你睇下個黑眼圈」



佢講「係喎，真係好大喎，原來唔係得我單思，我就安樂啦。」

然後佢又索兩索講:「係喎，點解你又著番尋日啲衫既，同埋你個頭咁油既。」

果然，講一個大話就要用更多既大話黎掩飾，不過我深信依個係最後一個，對唔住呀芷晴。

我講「哦，尋日返去太攰，咪無洗到啲衫同個頭囉，所以今日就著番囉。」

芷晴都深信不疑講「伊加有肺炎架，做人唔可以咁 污糟架，勤洗啲啦#no#。」



我講「好既bb」

我地就係黃大仙行下咁，我都慢慢咁成功拖到佢隻手，開心仔。

不過黃大仙真係無咩野行，四圍都係啲佛廟，我見仲早早地就提議上慈雲山行下，芷晴都好贊成。

然後，我地就經沙田坳道上去。

依啲路程較短既山，唔係講笑，啲廢老真係多到飛起，唔少仲操着一囗流利既普通話，仲要唔撚帶囗罩，我地驚死呀，所以一路都帶著。

慈雲山依段路唔知點解好多馬騮，四圍咁圍著，眼金金咁望住芷晴，真係好撚猥瑣呀，咁撚多個阿嬸你唔搞你搞佢，真係掋你做野味。

然後，我就將芷晴擁入懷中，希望作出最大既保護。

佢哋見到女神名花有主之後，都又失落又不憤咁離開左。 宣洩主權既感覺原來都幾爽喎，不過見住佢哋就好似見到中學時既自己咁，兵仔就係兵仔，做咩都做唔到人地條仔，都有啲身同感受。:-(