行山遇到三條女(少甜): 芷晴見家長篇1
我地食完豆腐花之後,就已經六點幾就黎入夜咁濟,所以我地都速速行左落山。
落到山之後,就接到媽咪電話。
我:「喂,媽咪」
媽:「阿仔,你都好耐無返黎食飯囉喎,今日返唔返呀?」
聽到之後就攞開左小小部電話,同芷晴講「你一陣係咪又食茶記大快活呀。」芷晴點一點頭。
我就講「咁你一陣上黎我屋企食啦,俾你試下我呀媽手勢啊。」
芷晴就略帶微笑咁講「好呀」
我:「媽咪我返黎食呀,同埋帶個朋友返黎,一陣先再講啦。」然後就收左線。
芷晴好似有啲拘謹咁,又係到整理自己儀容。
我見到咁就同佢講「芷晴,我媽咪好好人架,你唔使咁緊張喎。」然後拍一拍佢膊頭。
佢就話「第一次見你媽咪,梗係小心啲啦。」然後就繼續係度整。
我都無佢咁好氣呀,話咁快就到左屋企。「媽咪開門」
媽咪就開左橦門,同時見到芷晴拖住我。即講「鬼馬啦你,識左個女朋友都唔話俾我聽,快啲入黎先啦。」
芷晴一路入去講「auntie你好」
媽講「仲叫咩auntie呀,叫媽啦」芷晴即刻面都紅哂。接著媽咪就繼續問「靚仔,你好快啲講幾時識左個咁靚既女朋友架」
我就即刻講「無呀,尋日我地先一齊咋。」
媽就講「尋日先一齊就即刻唔返屋企,你真係呀」
屌,媽咪我俾你累死啦,今次死得啦。
我望住芷晴,發現佢好疑惑咁望住我,同時帶住一啲憤怒既眼神,好似話俾我聽,一陣你解釋俾我聽呀?_?:-[。