行山遇到三條女（少甜）: 芷晴見家長篇2

我都即刻話「媽咪，我地快啲食飯啦」

成個食飯途中，得媽咪同芷晴係度講，我呢，佢哋就無視我，好慘呀我，好似芷晴先係佢個女咁。我一講野，佢哋就一齊啤住我:-(。

佢哋就傾得開心啦，由我細個賴尿講到我大個唔記得拉褲鏈嗰啲，全部都係我啲柒事，芷晴聽到大笑姑婆咁。不過見到佢開心我都開心既#:)#fs。

我一路食飯就係度諗一陣點解釋好，繼續講大話？都係唔好啦，係時候做返個好男人啦，講真話希望芷晴可以原諒同體諒我啦#notcry#dog。

食完飯之後，芷晴就拉左我入房，問我「浩然，你點解釋呀？姐係你話咩無錢食飯，係屋企食，溫書全部都係假啦」



我就同佢坦白同Irene去飛鵝山，整傷左佢隻腳，為左承擔，所以照顧下佢。（當然無講跌落床件事啦)

芷晴聽完之後雖然仲係有啲唔開心，但係明顯寬容左好多，講「我似啲咁唔講道理既人咩，Irene係我既friend黎，我梗係都想佢好啦，但你要同我講呀嘛。」

我就講「我唔想你誤會同擔心呀嘛，下次唔會啦，一定同你講，原諒我啦好無呀bb」

佢就回復返笑容，話:「你話架，下次一定要同我講呀，如果唔係……就剪左你。」然後望一望我下面。

聽聲都覺得痛呀。



都夜啦，所以我就送左芷晴去佢屋企樓下。

我講:「拜拜我走啦芷晴」

芷晴:「唔好走住啦」然後指一指自己個嘴，好細聲講「我..見人地...都會有個....goodbye.... kiss架。」

我就扮聽唔到講「聽唔到呀講多次」

正當佢想講多次既時候，我就即刻用個嘴封住佢個囗，頭先淨係有豆腐花味，依架終於感受到佢囗嗰 陣清香，同埋佢嘴唇既濕潤，搞到我想伸條唎入去，但係佢就封實左啲牙，所以就無攻到入去，最後都錫左成廿秒。



錫完之後，我就慢慢鬆開左，我地既囗水都好似絲縷咁拉長。
芷晴都慢慢咁睜開雙眼，望到我之後又面紅，真係怕羞。

我就走住講「真係拜拜啦，下次再叫我再錫過啦」

芷晴聽到之後就大叫「陳浩然:-[」