行山遇到三條女（少甜）: 考試衝刺篇4

返到屋企就諗到朝早可以同芷睛食早餐喎，但再諗落都係唔好啦，一陣佢又要沖涼換囗罩，夜晚又要再出去。

我就sent左句「bb，晚安」俾芷睛。就瞓左。

第二日起身，照樣都係為dse奮鬥既日子，經歷左一日既磨練，我已經意志消磨啦，好想行街出街呀。

但係唔得，我今個星期既辛苦，就係我未來既成功，終於都拖動住疲倦既身軀去搵Irene。

Irene今日都係t shirt熱褲，佢今日就主要同我講解左啲旅款既深入知識，佢話依啲係論文好有用，好彩今日都有啲對答環節，我都無咁容易眼瞓。如果今日都要我做past paper，我就應該真係攰死啦。



有好多內容都講過，係溫故知新。所以今日就好快就完左。

所以我今日都有左好多時間煮飯。正當我想入廚房既時候，Irene就拉一拉住我同我講「浩然，你可唔可以教我煮道菜呀。」

我就問佢「咩菜呀？」

Irene就話「生炒排骨同南瓜濃湯」

咁啱依兩道我都識煮，我就話「好呀」



然後入到去我就吩咐佢斬薑斬蒜，然後佢就竟然答我「咩係薑同蒜」。睇黎佢真係零入廚經驗。然後我就同佢講「你睇實啦，聽日再做多次啦。」

一路煮既期間，我就問佢「你煮俾邊個呀」

Irene就答「我最鐘意既人囉」

不知為何我心中不禁有啲傷痛，但表面仍裝輕浮咁講「咁咪我囉」一方面試探下佢，一方面掩飾自己既心情。

然後，佢就有啲面紅耳赤咁講「你就想呀，係我呀爸呀，佢成日出差係外國，一年都返唔到幾次屋企，所以咪諗住煮道餸，到時父親節孝敬下佢囉。」



我聽到之後，都唔知點解鬆左囗氣。