行山遇到三條女（少甜）: 考試衝刺篇5

好快就煮完兩道菜，然後我就問佢「記唔記到呀，聽日到你煮囉喎。」

佢就好囂張咁講「容易啦，記住哂啦」然後指一指自己個腦。

我就話「係先好呀」

佢就食左舊生炒排骨，就講「唔...，好好食呀。」又飲左啖湯「啲湯都好好飲呀」。好快佢就食哂，我都無點食過，不過見到佢食得咁開心，我都好開心，係....來自廚師既成就感，應該係。

下晝都係做下小小短答咁，一齊又傾下計咁，時間過得特別快。



去到4:00左右，Irene就話「今日係咁多啦」

終於完啦，返屋企抖下先「拜拜Irene」「拜拜」

熱戀情侶撞正DSE真係好辛苦，成日都無得見。依加好想搵芷睛，但係佢又返緊工。不如叫埋佢過黎住好無呢。算啦都係等考埋試先搞。

返到屋企，今日早啲返終於見到媽咪啦。「媽咪」

媽講「今日咁早既仔，唔使陪女朋友咩？」



我話「佢今日返夜晚呀，所以無見。」

媽講「哦，快啲坐低食飯啦。」

其實今日Irene講父親節，我都幾有感觸，唔知大家發唔發覺，我爸爸唔係到。我阿媽係09年有左第二胎，已經知係我細佬，但嗰陣屋企只係縵縵緊 ，所以我阿媽就墮左胎，我阿爸係同年就不知不覺咁消失左，但係都留低左一筆幾大既資金。

我由好想佢番黎，變成依架淨係覺得佢係一個拋妻棄子既仆街。

望住嗰兩個空位，真係有啲傷感，依架細佬仲係到既話，應該都十一歲啦。



阿媽講「喂，諗咩呀你」

我就講「無野」

食完飯之後，我就瞓左，唔知係咪臨近考試，輾轉反側都好難瞓着。