行山遇到三條女（少甜）: 空歡喜篇

然後，我就叫左芷晴番屋企準備下啲野。我就返屋企準備下啲床呀枕頭啲野咁。

番到屋企，我就開心咁開左橦門叫左句「媽咪」。

媽咪見到我咁樣就問「做咩事呀你，含春咁既」

我就同佢講「係呀阿媽，芷晴佢自己一個住呢又無人無物，我咪叫佢過黎住囉，得唔得呀？」

我諗住芷晴同我呀媽上次咁傾得埋，阿媽應該俾，兼且我頭先太想氹芷晴，所以就黎左個先斬後奏。



但係估唔到媽咪就拉左我坐低左係梳化到，講「阿仔，你仲細，你知唔知同居要諗好多野架，飲食、私人空間、衛生問題、休息，你有無諗過呀。正所謂相見好同住難，你地拍得一頭半個月就話同居，我睇好你地，先唔想你地咁快同居咋。」

講真媽咪講依啲問題，我一啲都無諗過，淨係諗到同居可以同芷睛日日見，青少年真係一種衝動既生物。但我究竟點同芷晴講呀。「媽咪，但係我點同芷晴講番呀。」

我阿媽就講「你話媽咪話唔俾囉。」然後笑一笑「你自己諗啦，依啲事要自己解決下架啦。」

唉，點算好呀。我諗女仔都應該鐘意啲肯承擔責任既人既，唯有認錯啦。

然後，我就同左芷晴講我未經媽咪批准，同埋復述媽咪講既野。



好才芷睛都寬容大量咁原諒左我，仲講「係囉，我頭先都衝動左，無auntie諗咁多添，唔緊要啦，依架考完dse，我地日日都可以見啦。」

我就講「好啦bb，咁聽日見啦。」