行山遇到三條女(少甜): 返工篇1
我再瞓左一覺,養足精神,就準備今日第一日既返工日子啦。
啲人教話第一日返工唔可以遲到,所以我就早左半個鐘到。
行過去途中,就有人拍一拍左我膊頭。「喂,浩然,你咁早既。」
原來係Irene,我就答佢「你咪又係咁早,入去啦。」
老闆娘見到我地就話「嘩,你地咁早既。」
我就答佢「係呀,第一日驚遲到呀嘛。」
跟住老闆娘就帶左我入去廚房見老細,而Irene就因為靚女所以係出面做侍應,老闆娘就教下Irene記菜名,而我就負責做下打雜,切下菜咁。
老闆見我切菜切得幾好就問我「你學過廚架?」
我就答佢「無呀,平時自己係屋企煮下咋。」
老闆俾我既感覺好cool,唔係太講野,不過就教左我都幾多野。
準備完啲野,都已經就黎十二點啦。老闆就叫我出去幫手。
真係突然之間,間鋪就湧入一批又一批既客人,好快就坐滿哂成間鋪。
我地真係忙唔過黎,真係唔知得老闆佢哋兩個係點做呀。但係我知道Irene應該好快變成間店既生招牌,因為啲男既狂咁望住佢,有啲後生既仲狂咁話要水,叫Irene黎。
幾經辛苦終於完左午市,真係依加先知返工辛苦呀,三點幾先可以食中午飯,老闆佢哋仲要依加都未有得休息。
我問Irene辛唔辛苦,佢竟然仲答我「辛苦,但幾好玩呀。」
我地都唔敢怠慢,快快手手食完飯就去幫下佢哋手,等佢哋都休息下。
好快咁完結埋晚市之後,我地就結束左今日既工作啦,老闆娘都十分讚賞我地今日既表現。最後,老闆再教左我幾個菜色,同埋食埋晚飯之後就收工。
然後,我就送Irene去搭車。突然先諗起Irene隻腳既傷,「係喎,Irene你隻腳既傷點呀」
Irene講「ok左好耐啦,你睇下我依加行得走得就知啦」然後,就跳左幾下。」
我講「咁就好啦。」
巴士等左無幾耐就到左啦,「巴士到左啦上車啦。」
但係佢就無上車,就望住我同我講「浩然呀....,可唔可以...問你一個問題....呀?」
我就答佢「可以呀,你問啦。」
然後,佢又慢慢面紅起黎,遲遲都吐不出說話「浩...然..呀......,你鐘...意咩類型既女仔呀。」
我仲以為佢要講咩添,就答佢「哦,靚,心地善良就得啦。」見佢依架好似仲有野未講既樣,我就硬係覺得佢原本唔係講依樣。但係都係算啦,唔針究啦。
然後Irene就講話「哦,係呀,咁我走先啦。」
我講「拜拜」