行山遇到三條女（少甜）: 返工篇2

瞓完覺，今日就繼續返工啦。

今日Irene就唔夠我早返到間鋪啦。早早就見到老闆娘，係喎，聽日要去party room，等我請個假先。

我就同老闆娘講「老闆娘，我同Irene聽日想請個假呀。」

老闆娘帶著不懷好意既笑容講「好呀，做咩呀，聽日去拍拖呀？」

我就答老闆娘「唔係呀，Irene我朋友黎咋，聽日我地去party room玩呀。」



老闆娘就接著講「哦，原來係咁，咁你地玩得開心啲啦，但如果你鐘意人就追人啦，唔係到時後悔你就知呀。」

我都費時同老闆娘爭論啦，「好啦，我去準備先啦。」

係我準備既期間，Irene都返左黎，但係睇佢個樣好似好唔開心咁。直覺話俾我知佢今日姨媽到。

老闆娘同我問佢野都沒精打彩咁，去到午市既時候，佢對住啲客都無左尋日嗰種興奮。老闆娘可能都感覺到所以都無講啲咩。

我見到佢咁樣，我就同老闆娘講左講，就出左去屈臣氏。就鼓起勇氣買左啲紅糖、M巾同經痛貼。個售貨員見到我買依啲野都表露左一種讚嘆既眼神。



然後，我就返左去遞左俾Irene。

Irene就露出有啲驚訝有啲尷尬既表情「唔該你呀浩然，但我唔係今日黎呀。」

佢咁講搞到我都有啲尷尬添「我見你今日咁唔開心，以為你姨媽到添。」

然後，佢就有啲開心咁講「無呀，無野呀，快啲做野啦。」

之後，Irene又變返平時咁，繼續努力工作，又好輕鬆咁應付埋晚市。



之後，我地又繼續食完晚飯走路啦，講真包午晚50蚊個鐘真係好抵。

放工走去巴士站既時候，Irene就好興奮咁跳黎跳去，同朝早既時候真係完全唔一樣，所以話女仔變面真係好快。「做咩事咁開心呀你」

Irene就答「想開心咪開心囉」

我就又問佢「咁你今朝早又成個苦瓜乾咁」

佢遲疑左一下，就講「活在當下，唔記lu」

去到巴士站既時候，佢又問左我一條問題「浩然呀，如果有一日我消失左，你會點呀。」

我就好認真咁諗同答佢，「我呀，應該都幾傷心下，你問黎做咩呀？」

佢就話「幾咋，枉我仲教你旅款，無呀，我無聊問下咋嘛。」然後佢就上左巴士。「拜拜」



我又講「拜拜啦」