行山遇到三條女（少甜）: party篇1

今日芷晴返早，早早已經返左屋企，我就費事帶啲細菌去佢屋企啦，所以我就返番屋企，同佢傾左陣計就瞓左。

第二日，我地就係觀塘到等，離遠已經見到阿豪同阿傑、深田。

然後，阿豪同阿傑就衝左過黎攬住我，「仆街，好耐無見啦。」

我就話「屌你，咪gay啦，先幾耐呀」然後就輕輕推開左佢哋。

話說今日深田著住黑色連身裙，繼續都係咁誘人，不過今日佢就無帶眼鏡，顯得更加迷魂淫魄。



佢見到我望住佢之後，就深情咁望住返我，然後電左我一下，真係禍害蒼生，望多下都唔得，真係有啲想暈低。

好快我就轉移目光唔再望佢。然後我地就大家講下近況。過左無幾耐，芷晴同Irene就到左。

然後我地就上去party room，肺炎期間真係正，先每人一舊水，就可以玩成六個鐘，又有咁多野玩，真係正。

然後，我地一開始就打左鋪麻雀，而阿傑同阿豪就去左打ps4。

不過勁搞笑囉，因為芷晴做我上家呀，差唔多鋪鋪都係我勝，屌你，打情章打得咁明顯得唔得架，不過我鐘意，最衰就唔打錢，如果唔係就贏到開行啦。



深田見到咁就好似有啲嬲嬲地，狂咁誅芷晴章，又好大力，好大聲咁碰呀上呀咁。見到佢咁火爆，我即刻俾左個眼神叫佢停。

而Irene見我地咁樣鬆章，就露出左一個疑惑既眼神。

好快阿豪就過左黎話「屌玩其他啦好無呀，係度打機好悶呀。」然後，佢就指住個彩虹圈圈既地毯。

然後，阿傑就偷偷地同我講「喂浩然，幫下手呀。」

原來隻game係令兩個人移到唔同既位置，做啲高難度動作，阿傑就想我幫佢搞呀深田。



我就話「咁樣會唔會唔係太好呀。」

然後，阿傑就扁住嘴咁同我講「唔好咁啦，浩然bb幫下手啦。」

我就講「唉，算啦，服左你呀。」