行山遇到三條女（少甜）: party篇3

然後，深田就提議玩下真心話大冒險，都好既，好過一個個自己玩呀。

一開始，就阿豪轉，深田就輸左，然後佢就揀左大冒險，阿豪就要佢嘴落阿傑到。深田聽到之後，毫不猶豫就錫左落去，仲要係法式濕吻，阿傑成個人就處於一個被動既狀態，就好似被人強吻。慢慢深田就鬆開左囗。問我地「咁樣得未呀？」

我地個個都睇到o哂嘴。「得啦得啦」

然後，又開始轉啦，到阿傑轉，轉中左Irene，不過Irene就揀左真心話。然後阿傑就問「你有無鐘意既人呀？」

Irene就答佢「有呀」



阿傑聽到之後，就望左望阿豪，然後繼續問咁「係唔係依度呀？」

Irene就有小小不滿咁講「喂，依度兩個問題啦。」

阿傑就自己感到失策，再打一打左自己個頭，應該係覺得自己太蠢。#hehe#dog

然後，到深田轉，轉中左我，我真係驚大冒險，所以就揀左真心話。然後，深田就發問「依度三個女仔，你最鐘意邊個？」

佢講完之後，就自己係度陰陰嘴竊笑。同時，芷晴就好深情咁望住我，好似要我依架公開咁。



但另外，我都觀察到Irene都偷偷地望住我。

然後，我就講「我最鐘意既係.......芷晴，其實我同芷晴一齊左就黎一個月啦，唔好意思呀，瞞左大家咁耐。」然後就走左去芷晴旁邊拖起左佢隻手。

然後，芷晴就甜甜咁微笑左好耐。同時阿豪同阿傑就走左過黎，阿豪就箍住我條頸講「你個死仔呀，又同我講無進展。」

阿傑就打左一打我個巨龍先生，講「嘩，A0仔出pool啦喎，唔同我地講唔講，唔夠義氣呀。」

其實我一直都留意住Irene反應，佢聽到之後佢隻眼逐漸泛起淚光，淚水慢慢咁滴落佢既面上，但佢又扮無野咁抹番。佢唔知既係我將一切看在眼內。直至依一刻，我先真正明白Irene既心意。



或者只係我扮唔知，就算我真係知，又可以點做，就算我有一絲既喜歡，我都要埋藏。

我心不在焉咁回應著佢哋。

阿豪就繼續講「唉，成個山系男子得返我一個A0啦。」接著，大家又開始講阿豪A0既問題，玩得好開心。

Irene係期間就入左廁所，應該係整理左下儀容，出返黎就同大家講「我有啲唔舒服呀，我走先啦。」

阿傑聽到之後就細細聲同阿豪講「去馬啦」

阿豪就即刻衝左去Irene旁邊講左啲野，然後佢哋就慢慢咁一齊走左。我見到個心真係好痛，好想拉著佢隻手，但..係我有資格咩。

阿傑見到之後就發出一啲叫囂聲「有料豪哥」

接著下來，我地都繼續有打下麻雀，玩下switch咁，但我都係神不守舍咁。



搞到芷晴都問我「bb你做咩呀？」

我先回過神黎答佢「無野呀，係有啲攰姐」

芷晴就繼續講「攰呀，咁我地走啦好無呀。」

大家都答好。