行山遇到三條女（少甜）: party後續篇1

之後，我地就俾左錢個老闆就走左去食飯，我地就隨便食左個譚仔，見到深田就係度喂阿傑食麵，個劇情真係發展得好快，係度你儂我儂真係好有愛。

芷晴都夾左舊蒜泥白肉俾我食，雖然我無咩心情，但係都要繼續扮下野架，我就假裝咁笑一笑，然後食左，「多謝bb」

食完之後，我地就走去搭車，咁啱就經過觀月·樺峰，唔知佢哋有無上到去呢。

臨同深田佢哋拜拜之前，阿傑就走到我耳仔邊講「兄弟，我依度多左個，醒你嘅，安全啲呀。」一邊將一樣野放係我衫袋，然後淺淺一笑。繼續講「拜拜啦芷晴浩然，我地走先啦。」

唔使講都知佢擺左啲咩。



芷晴就問「你地講啲咩呀？」

我就答佢「無野呀，佢讚你好靚咋嘛」

芷晴聽到之後就微微一笑，輕輕咁打左下我手臂。

返到黃大仙已經成九點幾啦，我就問芷晴「bb，你飲唔飲得酒架。」

芷晴就答「飲得呀，我十八左幾個月啦。」



然後，我就入左7仔買左啲Ice。

芷晴就問我「bb，你係咪有啲唔開心呀，有啲咩唔開心你同我講呀」

我想講，但可以講出黎咩。「無呀，單純係想同你飲下酒咋。」