行山遇到三條女（少甜）: party後續篇4

「bb，我無攞衫呀，你可唔可以攞一攞俾我呀。」芷晴大叫着。

然後，我就入左佢房攞左啲衫褲俾佢「攞入黎定點呀。」

芷晴就話「我關咗簾，你入黎得啦。」

入去我就放低左啲衫「我放低左啦」然後，我又望一望芷晴既方向。

係個燈之下，芷晴既影子就倒射左係個簾到，玲瓏浮凸既身材就顯現左出黎，配合住芷晴既花灑聲，成個場景好迷幻，十足啲av場景咁。



如果係av既話我就真係應該衝左入去，但現實既我，無酒理智仲係十分清晰，同埋真係要被芷晴休息下啦。

芷晴就講「好呀，唔該bb」

然後，我就出左去等左佢一陣，出到黎之後，我地就繼續睇埋紙房子第二季下半部分，睇住Berlin（有無人覺得好似崔佛呀)死左，真係哭撚左，但係睇住隔離條女咁撚驚又好撚想笑。

好快時間就到左一點左右，我地就隨便食左啲野之後，我就都差唔多時候要返工啦。今日淨係得Irene同老闆娘佢哋，應該都好辛苦啦。

「bb，我返工先啦，黎錫一錫先啦」然後就怯埋眼嘟起左個嘴，等待佢嘴過黎。



好快就感受到一下既溫熱，一瞬即逝。我張開隻眼既時候，佢已經扮無野坐番係梳化到。

我就講「拜拜啦芷晴bb」

佢就有啲細聲咁講「拜拜」