行山遇到三條女（少甜）: Irene消失篇1

返到鋪頭就見到老闆娘自己一個係度忙緊，我見到之後，就即刻換好件衫，幫老闆娘搞掂埋淨低嗰幾個客。

老闆娘:「終於可以透下啦。」

我就問老闆娘:「係呢，老闆娘，Irene係邊呀？」

老闆娘就講:「哦，佢今朝早係你打完之後就打俾我話想再休息下，我見佢好似唔多開心咁，我都無再問啦，咪俾佢休息下囉」

我:「哦，原來係咁」死啦，Irene一定係嬲左我啦，佢同阿豪會唔會尋日真係。。。同唔同佢講對唔住好呢。。但係我又無錯喎。



老闆娘:「喂浩然，你係度諗咩呀，你同Irene係咪嘈交呀？」

我就有啲慌張咁答佢「無呀，無呀」

老闆娘就話「有咩事就同我講啦」

我:「好呀，好呀」

今日既晚市就無咁多人，所以好快就收左檔，老細就又教左我兩招。



老細:「喂阿仔，你今日唔得喎，上兩次一點你就明，今日做咩呀你。」

我:「唔好意思呀老細，今日有啲攰。」

老細:「你咁既樣，我就唔係咁睇啦，男人一係為錢一係為女人，你就一定唔會等錢洗啦，仲唔為女。」

男人同男人之間真係少啲尷尬，易出聲啲，我就同佢講左我同芷晴仲有Irene既野。

老細就講:「我都後生過，以前都有啲咁既抉擇，當年，我就係揀左阿欣，放棄左另一個女仔，又無話後悔既，不過總有啲遺憾囉。依加連朋友都無得做，連佢變成點我都唔知。你自己諗下啦。」



原來老細都咁風流，不過佢都係拋番個問題俾我自己諗，點算好呢。

然後，電話又傳左「叮」一聲。

阿傑:「喂，阿豪你尋日點呀」

阿豪:「無呀，咪又係咁囉，係樓下就趕左我走啦。」依加至少知道Irene對阿豪真係無野啦。

但係我可以點做呢，啊，可以扮唔知尋日啲野。
我就sent左段message俾Irene「Irene，你唔舒服呀？今日唔返既。」

但係佢好耐都無覆我，所以我無理到，收埋左部電話。

今日都無咩照顧過芷晴，一陣再接下佢放工先，再上佢屋企，食過番尋味，呀唔係，照顧下佢先啱。