行山遇到三條女(少甜): Irene回歸篇2
朝早一起身,就見到芷晴攬著圍裙,攞緊啲野食出黎。「早晨bb」「早晨呀」
我就好快咁刷牙洗臉吃早餐,講真啲早餐真係幾好食。
好快咁,我地就換好哂衫落藥房,唔知藥房咁早開左未呢。
去到藥房附近,就feel到芷晴隻手有啲震,「bb,唔使驚架,一係我入去先,你係度等我好無呀?」
然後,我就入左去細細聲問老闆「有無避孕藥呀」
個老細就話「有呀,123蚊呀」
嘩,咁撚貴既,無計啦,都要硬食啦,我就俾左錢佢。
同時,櫃檯下面又有樣野吸引住我,無錯就係condom,姐係唔係我咸濕呀,但係情到濃時,都要做到安全措施嘛。
我就買左個10包裝既備用,放左係褲袋到。
我又行番過去芷晴隔離講「bb,你記得食左佢啦喎。」芷晴就點一點頭。
然後又送左佢去番工到,然後同佢講「芷晴呀,今日我要幫間店大清潔呀,可能會遲啲黎或者唔黎呀,你自己小心啲呀,有咩事就打電話俾我啦。」
送走左芷晴之後,我就繼續努力返工,今日當然又係無Irene啦,做得都幾辛苦下。
做完午市之後,老細就黎搵我入廚房,「點呀仔,搞成點呀。」
我就話「Irene搵返我囉」老細聽完就增大瞳孔望住我。
我就繼續講「點呀,老細,係咪諗到啲咩呀」
老細就扮哂野講「天機不可洩漏」
屌你又係咁。
好快就又搞掂埋晚市,返工真係一式一樣,返得幾日已經覺得有啲悶啦,不過好彩老細佢哋好人,都幾開心。