行山遇到三條女(少甜): Irene回歸篇3
然後,我就問老細「老細,今日可唔可以早走先呀?」
老細就答我「走啦走啦,記住搵左唔好後悔就得啦。」
然後,我就出左門口,一出到去就已經見到Irene。
佢就同我講「我地行住先啦,我去到公園先講。」
係咪姐係叫我唔好出聲呀,咁好囉我唔出聲囉。
其實成個氣氛都幾尷尬。
近排做多左之後,性慾大增,見到波波池就想入去玩下,望住Irene個唔知c定d既波波真係好想摸下。
我地行多左一陣,就到左公園,個公園好靜,完全無人,因為真係好夜啦。
我地就揀左個位坐低左,佢都慢慢咁講起「浩然呀,你記得我地幾時識架。」我答佢一個月前左右。
「你又記唔記得我地上飛鵝山既時候呀,又撞到野戰,又整傷左隻腳,當時你揹起我,我慢慢咁靠落你個肩膀到,個肩膀真係好舒服,舒服到我忘記左隻腳既傷,當時真係好想一世永遠停留係嗰刻。
但係我一直都係一個慢熱既人,我就覺得一個星期無可能令我鐘意一個人,所以我就用左好多時間去探索。
我以為你約我係鐘意我,所以我應該會有好多時間去磨。但係原來唔係架,人生係會有好多不經意既事架。
去到你同芷晴拖手嗰刻,我先知道我個心有幾痛,原來自己鐘意既人都未必會鐘意自己架,我先發覺到我鐘意左你。」
Irene既淚水傾流而出,但就無任何既哭泣聲。
我聽到之後,淚珠都係我眼眶打滾,先知道我一直就淨係顧住自己開心,一啲都無理過人地感受,搞到身邊既人都因為我而受傷。
但係我默不作聲,無應到佢,因為我真係唔知道我可以點做。
Irene抹乾淚水之後就講「你唔使覺得難做架,我同你講下架咋,你唔使放係心到架。」然後就攞起左包包準備走。
我見到就拉返佢落黎,按住佢個頭同佢講「你唔係得自己一個架,我都鐘意你架。」
然後,就一野錫左落去Irene既嘴唇到,我慢慢就感受到Irene既眼淚味,好似感同身受咁了解到佢既感情,苦苦地又咸咸地。
我鬆開左之後,Irene就可憐兮兮咁望住我。
錫完我就後悔啦,點算好呢。
Irene見到我個樣之後,就換上一副笑臉,拖住我行去車站,一路就講「浩然,你真唔使有心理負擔架,我自己做自己鐘意既野,我無諗過你會答應啲咩架,你都唔好同芷晴分手呀。」
我笑一笑摸一摸佢個頭,無再講野。
然後,就送左佢上車。「拜拜」「拜拜啦,你真係唔好擺係個心度啦。」