行山遇到三條女（少甜）: Irene回歸篇5

第二朝起身，就見到媽咪煮早餐，真係世上只有媽媽好，幾日無見，已經好掛住媽媽了。

我就過去攬住媽咪「媽咪早晨」。

媽咪:「仔大仔世界啦，一個星期都唔返得幾次屋企，淨係陪女朋友:-(。」

我:「點會呢，我最鐘意就係我媽咪，我以後多啲返黎啦。」

然後就快手快腳食埋早餐「我返工先啦」



去到鋪頭就見到Irene係度打掃間鋪，你望到我之後就同我講「早晨浩然」「早晨呀Irene」

老闆娘都過左黎，我就同佢講左講星期一又要請假。

老闆娘就講「你地班後生成日請假架，不過好采我都請左個人同你地輪更，咁你地就有多啲時間玩啦
。」

我本來仲想問咁不如請芷晴黎做，不過都係唔好啦，一陣我地又一齊玩，咁又一齊請假咁點好呀。

我:「咁個新黎既係男定女呀」



老闆娘就好鬼馬咁講「唔話你知喎，到時你輪到更咪知囉」

唔知點解呢，好似Irene係度真係特別多人，個午市好長好長都未完咁。

有啲客仲成日賴死唔走，係度目及Irene，真係好想插盲佢哋隻眼呀:-[。

最後去到3:00幾先完左午市。

我地就圍住一齊食飯，真係都幾溫馨。



無端端，Irene就夾左片牛肉往我囗塞「啊」，我都好自然咁擘開咗個口。有啲Irene囗水既味道，不得不說，真係幾好食。

老闆娘見到，就呆咗，老細見到就偷偷地俾左個讚我。

星期六個晚市真係特別多人，做到我地就黎死咁呀。

不過幾經辛苦就完左晚市啦。

老細又拉左我入廚房做秘密訓練啦。「嘩阿仔，你咁堅既，咁快又氹掂Irene，不過一腳踏兩船，你都威啦。」

我:「無呀，我無應承佢呀。」

老細:「哦，姐係你收佢做兵，定係做咩sp呀。」



我都唔識答老細呀，唯有見步行步啦。又學左味餸
之後，就返屋企。

出到黎之後，Irene就拖住我隻手講「走啦」

我咁樣做究竟啱唔啱呢，我鐘意芷晴，但我又想要Irene，男人真係一個得一想二既生物。

Irene見到我個樣就講「浩然，你係咪唔鐘意呀，我淨係想要你放工依少少時間架咋，你唔講，我唔講，芷晴唔會知架，你可唔可以俾我自私下呀。」

我見猶憐，佢依個眼有淚光，明澈含水既雙目，真係好難拒絕佢，我就用另一隻手摸一摸佢個頭「好啦」

佢就即刻好興奮咁拉住我手臂行。

去到巴士站，佢就問我「其實你係咪真係鐘意我架」



我:「係呀，但係唔啱時候囉」

然後，Irene就低左少少頭，講「我明架啦，不過真係少少時間已經好開心啦，只可以怪我無主動到啦。」

我見到就錫左錫佢塊臉。「好啦，唔好唔開心啦，上車啦，聽日準時呀。」

「拜拜浩然」「拜拜」