行山遇到三條女（少甜）: Irene回歸篇4

都差唔多成十點幾啦，返到去芷晴都應該返左屋企啦。

算啦，我都好多日無返過屋企啦，件衫都臭哂啦。

返到屋企就沖左個靚涼，攞起電話就見到啲message又黎轟炸我。

Irene:「晚安啦浩然，早啲瞓」

我:「你都早啲瞓啦，晚安」



另一邊箱既芷晴就講:「點呀，忙完未呀，今日個terry終於無搞我啦。」

我:「忙完啦，返到屋企啦，無搞你咪好囉，同埋你食左啲事後丸未呀。」

芷晴:「我食左啦，但我上網睇啲人話好大傷害架，你下次帶返套呀:-[。」

我:「對唔住呀bb，下次我會小心啲架嘛:-(」

芷晴:「好啦，原諒你啦，我瞓先啦。」



我:「晚安bb」

而最後一邊箱就係山系男女到。

阿傑:「好悶呀，成日係屋企頹廢，不如一齊露營呀星期日星期一點睇呀。」

深田:「你估個個係你咁咩，成個少爺仔咁，又唔返工，但係你話星期日星期一我又得閑喎，我去呀」

然後大家紛紛都講話ok，老闆娘嗰度星期日就淨係開半日，唔使我地，咁我星期一又請假啦，所以我都打左ok。



阿傑:「大家都ok，咁我地去坪洲啦，兩日一夜，我有哂gear啦，大家去就得啦，深田你過黎同我一齊攞啦。」

然後，佢同深田又係度耍花槍，講埋哂啲肉麻野，睇黎阿傑應該都得左，不過唔理啦，瞓啦。