行山遇到三條女（少甜）: 坪洲篇6

走到去草叢，之前就見到個人踎咗喺度。佢見我發現左佢就擰轉個頭過黎。「阿傑？」

阿傑就緩緩起身再講「咁啱既浩然」

我就有啲疑惑咁問佢「你跟蹤我呀？」

佢就有啲遲疑咁講「無呀」然後我再望一望佢，佢就講「可能有少少啦，頭先見到你同Irene行左過黎，咪過黎睇下囉。」

我就問佢「咁你有無睇到啲咩呀？」



阿傑突然就有底氣講「你估下我睇到啲咩」然後就笑左一笑。「我睇到有條仆街有女仲要搞其他女，一腳踏兩船囉。」然後輕輕力打左下我心囗。

佢本來一開始講我都好驚，但後尾見到佢笑笑囗就知無野啦。

我循例都問下「你唔會講架可，我同Irene行下架咋。」

然後，阿傑就拉左我埋一邊好認真咁同我講「我唔會講，但係你咁做真係好咩，你知唔知你咁樣係害左兩個女仔呀。一場兄弟先咁咋，如果唔係我打柒你呀，芷晴咁好，你咁對佢。」

我就講「我都唔知呀，兩個都好鐘意，唔識揀就要哂啦，我都唔知點做好。」



阿傑就嘆左聲氣，「我都唔知呀，你自己諗啦，我返去先啦。」然後佢就沿路行返返去。

今次撞到阿傑，真係令我知道紙係包唔住火架，如果仲係咁落去，終有一日都會被芷晴發現。咁我係咪應該同芷晴攤牌呢，話唔定可以光明正大一拖二呢。

但係唔得既話，可能真係會無左芷晴架:-(。

然後，我就過去拖返住Irene。Irene就問我「點呀浩然，你無野呀嘛」

我就答「無野呀，我地返去啦。」



我地係營外就黎左個淺吻。之後，我地就各自入返營到，見到芷晴瞓到成隻豬咁，我就放心啦。望住芷晴咁可愛咁睡相，你叫我點舍得放你走呀。

偷情係一件好刺激既事，但係後果總要承擔。

玩完一輪之後，都攰左好多，睡意都多左，一瞓落去就已經沉沉咁入睡左。