行山遇到三條女（少甜）: 坪洲篇7

我瞓到好冧，因為今日真係好攰啦，咩冷風、瞓得唔舒服已經無阻我瞓覺，但係都係發左個惡夢。

再次醒起就有個人拍一拍我塊面，我就慢慢咁半睡半醒咁起左身， 捽乾淨隻眼先見到原來係芷晴。

芷晴就講「bb，你做咩呀，標曬冷汗嘅。」

我就答佢「無呀，發惡夢姐」

芷晴就講「起身啦，成十點啦」



我就講「哦，好呀。」

我地一出到去，就見到個風光明媚嘅陽光，照射住我地，成個感覺同尋日夜晚既感覺好唔同。

之後，就見到佢哋係到圍爐食麵包，真係好淒涼:-(，不過有枝奶其實都算係咁啦。

Irene同阿傑見到我過黎，就眼甘甘咁望住我。

我費事同佢哋有眼神接觸，所以我就坐低咗，揼低咗個頭，做得虧心事多，真係特別蛇呱。「有無麵包俾我食呀」



然後，芷晴就俾左塊麵包我食。唔知點解我黎左之後，場面好似靜左，大家都少左講野咁，唔通我暴露左？

但係我就無理到，都係安安靜靜咁食麵包。

阿豪無端端就講「屌你老母陳浩然，我真係識錯你呀。」然後，就跑走左。

唔係真事呀，我疑惑咁望住阿傑，今次到佢回避我眼神。仆你個街，唔撚係真係踢爆我呀，仲話兄弟喎。今次死得啦。

然後，我就內心戲超多咁嬲爆爆走左，同時都怕芷晴一陣搞啲咩。