行山遇到三條女（少甜）: 芷晴危險篇

我就去到芷晴間舖到等，等得悶就開着左部電話，

用電話既時候就見到老闆娘開左個group加左我地三個入去，講「因為人手太多，所以聽日浩然同可嵐返啦，Irene你就休息下啦」姐係聽日又無得同Irene見面啦:-(。

可嵐就答左句「好」，我㩒入睇下佢icon，就見到係一個V煞面具既icon，不過我就無諗太多。

無幾耐就見到芷晴行左出黎，但係當我想上去既時候，就見到上次個男同事偷偷摸摸咁跟住左芷晴，真係死纏爛打。我就想睇下你想做咩喇。

芷晴係原地望左一望，無見到我之後，就有啲失落咁捉住自己袋走左，而男同事都徐徐咁跟上左。



我就當然反跟蹤佢啦。

芷晴一直行，就到左一個公園仔，陰暗啲既地方，而男同事就加速上去，拉著佢講「芷晴呀，你知唔知我好鐘意你架。」

芷晴就不停掙扎講「你唔好搞我啦，我有男朋友架啦。」

但係個男同事就講「今日你男朋友唔係度，我睇下邊個黎救你。」就打算錫落芷晴到。

我聽到之後，就即刻上左去，一野踢左落佢盤骨位置，佢即刻失平衡瞓低左。



然後就好驚咁望住我「我無做啲咩架，唔好打我呀。」一直就向後爬。

我就陰陰嘴笑左笑，講「你跟住你咁耐，你估我睇唔到咩。」

然後就騎左係佢上身到，一巴又一巴咁打落佢塊面到，「搞我條女呀啦，搞我條女，搞呀啦。」

打到佢成塊面都紅哂，芷晴就過黎拉住我講「夠啦，一陣打傻佢啦。」

我就講「我上次明明講閹左你，今次依幾巴對你算好啦，唔好再打芷晴主意呀你，知道未呀。」



佢聽到之後，就緩緩咁點一點豬頭。

我就講「走啦」

佢走左之後，芷晴就講「我以為你唔黎呀，嚇死我啦你，又唔早啲出黎。」

我就話「我等佢出手先可以俾啲教訓佢架嘛，萬一下次我唔係到，佢都識驚呀嘛，點呀你有無事呀。」

之後我送左芷晴返左屋企，我又再陪佢傾左陣計之後，就返左屋企。

依排性慾真係大減，無左一開始嗰種一直想上芷晴既衝動，但係你話唔愛，又唔係，我都一直想見芷晴。

話唔定真係人成長左，想過下一啲柏拉圖式戀愛掛O:-)。