行山遇到三條女（少甜）: 新同事篇4

同可嵐say goodbye之後，就去左接芷晴放工，同時就收到老闆娘話叫我聽日唔使返。

無幾耐，芷晴就出左黎，佢左右望左望就見到我。

然後就張開雙手咁跑過黎，跳左上去我身上面，「bb」

我:「做咩呀你」

芷晴:「無呀，突然好掛住你，依加見到你好開心姐」



我:「係喎，你聽日有無假放呀，我聽日休息呀」

芷晴:「咁好，我本來就無既，但老細就話俾我任放，所以我聽日陪你啦，都無咩試過二人世界。」

我:「好呀，但係你諗唔諗到去邊呀」

芷晴:「不如去下白泥呀，我都未去過。」

我:「都係你知我心，好呀咁聽日三點樓下等啦」



芷晴:「好呀」

我慢慢拖住芷晴隻手行返屋企，芷晴隻手其實真係幾白滑，隻腳又正，望兩望都扯哂旗。

我地一路行，我就一路問「你同我拍拖成日都行山唔悶咩。」

芷晴:「唔悶呀，出街梗係out going啲啦，我反而唔明啲人行街睇戲食飯做咩呀，屋企全部都做到哂。」

我微微一笑講「多謝bb」



其實真係好夢幻架，係學校我根本就好似地底泥咁，但係一畢左業之後，就突然因為機遇撞到芷晴佢哋，咸魚翻身，一拖二，自私啲諗其實係幾爽既。

啲人話一腳踏兩船好仆街，其實之不過係佢哋唔得，先咁講姐，同埋如果我既愛可以平均俾佢哋，真係仆街咩。

話咁快就上到芷晴屋企啦，我同佢就坐低左係梳化到。

我心有疑惑咁問「bb，其實你鐘意我啲咩呀」

芷晴就答「仲記唔記得我嗰時我講過女人既直覺呀」然後用雙指指一指自己既雙眼再指向我。

我點一點頭。

芷晴就講「直覺話俾我聽，我要同你一齊囉，可能一見鍾情掛，咁你呢。」講完佢就怕怕羞羞咁揼低咗個頭。

我:「我呀，覺得你靚囉，心地又善良囉。」



芷晴:「男人真係膚淺，貪圖美色。」我就笑笑回應佢。

我望一望個鐘，原來都成十一點幾啦。「bb都夜啦，早啲休息啦。」

芷晴好似有啲唔情願咁講「好啦，咁聽日見啦:-(」

我就走左返屋企瞓過靚覺，不過Irene就狂咁拉我講野，又話今日無得見，聽日又無得見好辛苦呀。

然後，可嵐又主動搵我，講左好多野，一個晚上要應付咁多條女真係好麻煩呀。

想瞓既時候，佢又會震一震，搞到我又想去睇，差啲成晚都瞓唔到。