行山遇到三條女（少甜）: 下白泥篇1

一瞓就瞓到中午啦，好耐都未試過瞓到咁撚爽啦，真係好想唔使返工，可以一直做廢青呀。

未食早餐，又唔係太想自己煮，都係搵下芷晴叫佢快啲落黎，一齊食埋野，再去下白泥。

我:「bb，你食左野未呀，不如落黎食個飯先？」

芷晴無幾耐就覆左我「好呀，一陣大快活等啦。」

然後，我就換好哂衫，整裝待發。



落到去大快活之後，就幫芷晴叫左個雜排飯兩份分，因為雜排飯真係太多啦，所以就兩個人分。

芷晴無幾耐就落左黎，今日佢化左個淡妝，配上佢既黑長直頭髮，真係一個氣質既昇華。

芷晴:「做咩眼甘甘望住我姐，係咪我個妝畫衰左呀。」

我回過神來:「唔係呀，好靚呀，食野先啦。」

我地一手一腳好快食哂個排飯，最後淨返一條剪切左既豬排。



芷晴:「bb，你食左佢啦。」

我:「我諗到一個好好玩既遊戲呀，我地一人食一邊，鬥食得多。」

芷晴:「好呀」

然後，我地就一人擔住一邊，我就食住條豬排模模糊糊咁講開始，芷晴就即刻加速。

芷晴係一個想贏既心，而我就係為錫錫既心。



最後芷晴諗住收掣，但係我就繼續衝上去，就貼近左佢嘴唇，我諗住種感覺會好正，點知係好油膩既感覺，不過都還可以。

芷晴feel到之後，就即刻面紅耳熱咁鬆開左。

我:「唔...，好味，你贏左啦」

芷晴聽到就怕怕羞羞咁打左我手臂一下「唔得呀，我贏左，你要有懲罰呀」

我:「咩懲罰呀」

芷晴:「一陣先講，依加未諗到。」

然後，我地就搭巴士，轉左好幾程車就終於去良景邨，根據我多年既行山經驗，輕鬆搵上山路。

佢前半段路大多都係水泥路，都幾悶下。不過芷晴就行到好爽。



我地再行左陣就到左大峽谷，個大峽谷真係好靚，大約有成三層樓高，近睇真係好震撼。

芷晴就話「好靚呀，bb我地一齊影番幅相啦。」