行山遇到三條女（少甜）: 下白泥篇2

真係認真咁啱得咁橋，就見到上次上飛鵝山遇到既嗰對夫婦。

佢哋就慢慢咁走過黎，「咁啱既，你又黎下白泥呀。」

我:「哦，係呀」

佢哋就問「你女朋友呢，唔同你一齊既」

芷晴又好疑惑咁望住我，我就即刻慌慌張張咁拉左芷晴過黎講「依個咪我女朋友囉」



對夫婦即刻若有所思咁，諗左陣就講「哦~~」「你地係咪要影相呀，我同你地影張呀」

相機「叱吒」一聲。

我地過左去睇左睇，專業既果然唔同啲，同我地上次坪洲影既唔同好多，靚好多。

夫婦:「我等陣再sent番俾你啦」「好呀」

然後，我地就一齊行去下白泥，不過夫婦年紀都大啦，所以都行得幾慢下。



我地又係講下社會議題咁，老一輩既睇法，總會令我有所增益。不過都好彩一路傾，佢哋都無再問Irene啲野咋。

我地慢慢行，但其實都好快到左下白泥。

到左下白泥，時間仲係好早，仲有大約一個鐘先日落。

但係夫婦就驚潮漲同夜晚太黑睇唔到路，所以就隨手幫我地影左幾張，又影左啲風景相就落返去。

「拜拜，我一陣再俾返啲相你啦」「好呀，拜拜」



佢哋落左去之後，就淨返我同芷晴係度，我就扮無野繼續睇風景。

芷晴就講「好啦喎，你肯講未呀」

我繼續詐傻扮懵講「咩呀」

芷晴:「對夫婦邊到識架，女朋友係邊？又話我係初戀，見到我有咩可能唔識我呀。」然後就嬲爆爆咁望住我。

我:「er.......」講唔講好呢。

芷晴:「你成日都有野暪著我既，你講唔講呀。」眼眶漸漸紅左起黎，泛起點點淚光。

我見到咁都於心不忍，橫掂又無咩野，講咪講囉。「我同對夫婦係喺飛鵝山到識既，然後，佢就可能誤以為我同Irene係情侶囉，我驚你聽到又亂諗野咪無同你講囉。」當然就加以修飾啦。

芷晴慢慢收起哭泣聲講「你成日收收埋埋做咩姐，成日暪住我，你知唔知我好無安全感架。」然後就鐘左落我心囗裏面。



我摸一摸佢個頭講「我真係唔識呀，成日都處理得唔好，但係真係想你唔好嬲咋，黎啦，笑番啦。」我就再扮左個鬼面。

佢見到就「噗」咁笑左出黎。

我:「笑番咪幾好，唔好講啦，睇日落啦。」