行山遇到三條女（少甜）: 山頂篇2

睇番電話啲介紹先知原來山頂係連住左中環，所以就約左Irene係中環到等。

等左一陣間就見到Irene行左過黎，睇黎佢為今日都有悉心打扮，一件長䄂既露肚臍衛衣，配牛仔短褲，方便活動得黎，又盡顯活潑青春。「Irene你好靚呀」

Irene有啲害羞咁低下左頭講「係咩」

Irene旁邊仲有個細袋，應該就係啲野餐「咩黎架」

Irene:「唔話你知喎」然後擺出一副傲嬌既樣。



我就無再理佢，拖住佢隻手，上左去搭山頂纜車，兩個人就要兩百啦，都幾貴下，不過第一次真正拍拖，少少錢算得啲咩呀。

但其實都值得既，可以睇到維港既景色，同埋架車上面真係好少人，可以好寧靜咁享受山上既環境。

幾經波折，我終於就到左山頂，細個就聽得多，但係依啲旅遊勝地長期俾強國人霸佔，根本就未好好睇過依個香港地標。

不過真實睇到又覺得好似唔係嗰回事咁，可能因為係睇日景啦，夜景應該好啲掛。

Irene:「睇完未呀，上黎唔係睇依個架。」



我:「唔係係到咩」

Irene:「唔係呀，跟住我行啦。」

然後，佢就拉住我手腕，行左都幾遠下。

我:「到未呀，唔好帶我去啲無人既地方諗住強姦我喎。」

Irene就回頭啤左我一下「算把啦你，就黎到啦。」



再行左陣，就到左一個好靚既英式花園，仲有個古老維多利亞式小亭院，真係又好似世外桃源咁，好彩無咩人，如果唔係成個feel就無哂啦。

我地就搵左個平平地既草地坐低左。

Irene:「點呀，靚唔靚呀」

我緩緩抱住佢既纖纖細腰「靚呀」，佢就繼續係到攞啲野出黎。

我:「點呀，整左啲咩野食呀」

Irene:「那，依個就三文治，依個就菠蘿腸仔，仲有依個壽司。」

我:「嘩咁多既，你咁短時間整到咁多咩」

Irene:「我整左成兩個鐘啦，你快啲食下啦。」



我就鬆開左雙手，攞起左舊壽司食，紫菜仲係脆脆地，個餡又夠足料「又真係幾好食喎」

Irene:「好食你食多啲啦。」我聽到之後又食多幾舊，水準都幾高下。

然後Irene指一指我既嘴角講「為食貓你依到污糟左呀」

我就扮抹唔到講「抹唔到呀」諗住佢會幫我抹走佢。

點知Irene就直接伸左個頭過黎，用舌尖幫我抹走左「咁咪乾淨哂囉」真係好鬼馬呀。

然後我地就係度一路食，一路傾下計咁，不知不覺就過左好耐。

我:「依到真係好靚呀，我見過既第二個世外桃源。」



Irene:「係囉，其實香港無遊客，好多地方都好靚呀。」

我:「點呀，咁留唔留低睇埋夜景呀。」

Irene:「唔啦，食完野就走啦，係到又無咩野做。」

我地好快咁食完野之後，就執左啲野照樣搭纜車落返去。

我:「點呀，仲有咩做呀」

Irene:「我想睇套戲，叫孤城淚呀。」

我:「我都想睇好耐啦，等我睇下邊到有得睇先」

我一路睇就一路講「啲場次勁少囉，呀，搵到啦，一陣4:00荷里活有得睇。」



Irene:「咁返荷里活囉。」